,,NATO-ს და აშშ-ს ევროპის ტახტზე მარტო ჯდომა სურდათ“

,,NATO-ს და აშშ-ს ევროპის ტახტზე მარტო ჯდომა სურდათ“ - პუტინის ინტერვიუ

მსოფლიო - 14:46, 11 Jan, 2016

4803

„საზღვრებს ჩემთვის მნიშვნელობა არ აქვს“ - ამ სათაურით აქვეყნებს გერმანული გამოცემა „ბილდი“ რუსეთის პრეზიდენტის, ვლადიმერ პუტინის ინტერვიუს. პუტინმა ყირიმზე, ანგელა მერკელზე, ევროპაში აშშ-ის პოლიტიკაზე და ნატოს გაფართოების საკითხზეც ისაუბრა და ალიანსი ევროპაში „მეფობის“ სურვილის ქონაში დაადანაშაულა.

მისი თქმით, ალიანსის აღმოსავლთით გაფართოება მსოფლიოში ვითარების დესტაბილიზაციასა და სახელმწიფოებს შორის ურთიერთობის გამწვავებას იწვევს.

,,არასად არ წერია, რომ ნატო-მ ქვეყნები აუცილებლად უნდა მიიღოს. ეს დამოკიდებულია გარდაუვალ პოლიტიკურ ნებაზე. მაგრამ ზოგს არ სურს წევრობა. ნატოს და ამერიკის შეერთებულ შეტატებს სურდათ სრული გამარჯვება საბჭოთა კავშირზე; მათ სურდათ ევროპაში სამეფო ტახტზე მარტო ჯდომა, მაგრამ ისინი სხედან და ჩვენ ვსაუბრობთ იმ კრიზისზე, რომელიც შეიძლება რომ ჩვენ არ გვქონოდა. ამ აბსოლუტური ტრიუმფისაკენ მისწრაფების სურვილი ასევე ჩანს ანტისარაკეტო თავდაცვითი შეიარაღების ამეირკულ გეგმაში" - განაცხადა რუსეთის პრეზიდენტმა.

პუტინმა ჩრდილოატლანტიკურ ალიანსთან დაკავშირებით რუსეთის მიერ დაშვებულ შეცდომებზე და ტერორიზმის საფრთხეების შესახებაც ისაუბრა.

"რუსეთს თავისი გეოპოლიტიკური ინტერესები საბჭოთა კავშირის დაშლისთანავე უნდა დაეფიქსირებინა, რაც მთავარი შეცდომა იყო ნატოსთან ურთიერთობებში" - განაცხადა რუსეთის პრეზიდენტმა.

ყირიმის მოვლენებზე საუბრისას კი განაცხადა, რომ რუსეთი საერთაშორისო სამართლის პრინციპებს არ არღვევს.

„ყირიმის შემთხვევაში, საერთაშორისო სამართლის პრინციპები არ ირღვევა. გაეროს წესდების შესაბამისად, ყველა ერს აქვს თვითგამორკვევის უფლება. ჩვენ არ გვიომია ყირიმში, არ ყოფილა სროლა, არავინ დაღუპულა. ჩვენმა ჯარისკაცებმა უბრალოდ ვერ უგულებელჰყვეს ყირიმელი ხალხის თავისუფალი ნების გამოხატვა.

რეფერენდუმზე, ყირიმის მოსახლეობის უმრავლესობამ ხმა რუსეთის ფედერაციის ნაწილად ყოფნას დაუჭირა მხარი“- განაცხადა პუტინმა.

ჟურნალისტის რეპლიკაზე, რომ არ შეიძლება საზღვარზე თვითნებურად და უცერემონიოდ გადაადგილება, პუტინმა განაცხადა : „საზღვრებსა და ტერიტორიებს ჩემთვის მნიშვნელობა არ აქვს, მთავარია ხალხის ბედი.“