NATO აძლიერებს ძალებს ახალი ტექნოლოგიებით წესდების მე-5 მუხლის ამოქმედების საჭიროებისთვის

NATO აძლიერებს ძალებს ახალი ტექნოლოგიებით წესდების მე-5 მუხლის ამოქმედების საჭიროებისთვის - ნატოს სარდალი ევროპაში

მსოფლიო - 12:51, 11 Jan, 2016

3231

ჩრდილოატლანტიკურ ალიანსში უკვე სრულად აღიარებენ იმას, რომ შესაძლოა ნატოს დაუდგეს საჭიროება რუსეთთან ომში ჩაბმის. აშშ-ს სახმელეთო ძალების სამხერდო კოლეჯის პროფესორი, სტივენ ბლანკი რადიო თავისუფლებასთან აცხადებს, რომ სწორედ ასე უნდა იქნას გაგებული ნატოს ძალების მთავარსარდლის, გენერალ ფილიპ ბრიდლავის სიტყვები, რომელიც მან განუცხადა რადიოს თავისუფლების კორესპონდენტს. გენერალი იმის აუცილებლობაზე საუბრობს, რომ საჭიროა ნატომ გააძლიეროს თავის ჯარების ბრძოლისუნარიანობა რუსეთში გაზრდილი აგრესიის ფონზე. ,,ეს ნიშნავს, რომ ჩრდილოატლანტიკურმა კავშირმა გაითავისა, რომ ის უნდა იყოს სრულ მზადყოფნაში წევრი ქვეყნების დასაცავად სამხედრო ძალის გამოყენებით, თუ რუსეთი შეეცდება თავს დაესხას რომელიმე მათგანს. სხვა სიტყვებით რომ ვთქვათ, ნატოს მთავარსარდალი აღიარებს ომის შესაძლებლობას ევროპის აღმოსავლეთში“ - განაცხადა პროფესორმა ბლანკმა.

მან ხაზი გაუსვა, რომ მოსკოვის პროპაგანდისტული შიშები, რუსეთზე ალიანსის შესაძლო თავდასხმის შესახებ, არაფერია თუ არა პარანოაი. მისი სიტყვებით, ნატოს ევროპაში არ ჰყავს მობილიზებული თავდასხმითი პოტენციალი, რომელმაც შეიძლება საფრთხე შეუქმნას რუსულ ინტერესებს, ,,თუ რუსეთი არ დაესხმება თავს ნატოს რომელიმე წევრ-ქვეყანას, რაც აიძულებს ნატოს ძალისმიერი გზებით აღკვეთოს რუსული საფრთხე რეგიონში“ - დასძენს ექსპერტი.

კითხვაზე, გააჩნია თუ არა ალიანსს იმის ძალები, საჭიროების შემთხვევაში მიაყენოს საგრძნობი დარტყმა რუსეთს, ანალიტიკოსმა ცალსახად დადებითი პასუხი გასცა. მაგრამ პროფესორმა მიუთითა იმაზე, რომ რეალურად სიტუაცია გამოიყურება იმის საწინააღმდეგოდ, ვიდრე ამას აცხადებს რუსეთის თავის პროპაგანდაში და ეს ჩანს მისი ქმედებებიდან - ,,სწორედ რუსეთი შეიჭრა საქართველოსა და უკრაიკნაში, სწორედ რუსეთ ემუქრება ევროპას ბირთვული იარაღით, სოწრედ მოსკოვის ქმედებები მიანიშნებს იმაზე, რომ ბარიერს არ წარმოადგენს ევროპის ქვეყნების ტერიტორული მთლიანობა და ანექსია. ასე, რომ სწორედ რუსეთი უნდა იქნას აღქმული საფრთხედ ევროპისთვის და არა ნატო რუსეთისთვის“.

გენერალმა ბრიდლავმა ამერიკის ხმასთან ინტერვიუს დროს აღნიშნა, რომ ნატომ დაიწყო მისი მოწინავე ძალების ბრძოლისუნარიანობის გაძლიერება პუტინის რეჟიმის წინააღმდეგ. ,,ჩვენ გადავწყვიტეთ, რომ უნდა ავწიოთ მომზადების დონე და ბრძოლისუნარიანობა ჩვენი სამხედრო შენაერთებისა ევროპაში, რათა სჭიროების შემთხვევაში შეგვეძლოს ნატოს წესდების მეხუთე მუხლის რეალიზაცია“ - განმარტა ნატოს ძალების სარდალმა ევროპაში გერმანელ ჟურნალისტებთან საუბრისას. როგორც მისი სიტყვებიდან ჩანს, ალიანსმა დაჩქარებული წესით დაიწყო დანერგვა სამხედრო-საჰაერო ძალებში უახლესი ტექნოლოგიური მიღწევების, რომელიც ჭიანურდებოდა ერაყისა და ავღანეთის სამხედრო ოპერაციების შემდეგ. ,,მას შემდეგ, რაც ჩვენ განვახორციელეთ სამხედრო-საჰაერო კამპანიები ერაყში, ან კიდევ ავღანეთში, უკვე დიდი დრო გავიდა“ - აცხადებს ბრიდლავი, ,,ჩვენ უნდა დავუბრუნდეთ მოწინავე სიახლეების დანეგრვას, რათა გვქონდეს გრძელი სკამი ამ ბრძოლისთვის“.

ბრიდლავმა ეს სიტყვა წარმოსთქვა მოსკოვის მისამართით მას შემდეგ, რაც ცნობილი გახდა, რომ რუსეთის ახალი ეროვნული უსაფრთხოების კონცეფციაში ნატო პირველად იქნა ნახსენები, როგორც საფრთხე რუსეთისთვის.