რუსეთის პრემიერი დიმიტრი მედვედევი 1 იანვრის შემდეგ არავის უნახავს. პრემიერი და მისის ცოლი არც საშობაოდ გამოჩენილან და აი, რუსულ მედიაში გაჩნდა ინფორმაცია, რომ ისინი მათთვის ასე საძულველ ამერიკის შეერთებულ შტატებში არიან დასასვენებლად წასულნი.

კერძოდ, ONPRESS.INFO-ს ცნობით, მედვედევების ოჯახი ფლორიდის შტატში, ერთერთ რესტორანში საუზმობის დროს შენიშნეს. თვითმხილველები თავდაპირველად დაეჭვდნენ, ნამდვილად რუსეთის პრემიერი იჯდა თუ არა მაგიდასთან და ფოტოგრაფები გამოძახეს, რომლებმაც დაადასტურეს რომ რესტორანში მყოფი ადამიანი მართლაც მედვედევია.

საინტერესოა, რა გზით აღმოჩნდა იგი ამერიკაში და რითი გაიმართლებს თავს თანამოქალაქეების წინაშე, რომელთაც ასე უღვივებს ამერიკისადმი სიძულვილს.