სტამბოლში აღმოჩენილი ჰოლანდიელი მხატვრის ვან დეიკის ნამუშევარი ორიგინალია

მსოფლიო - 11:20, 09 Jan, 2016

3119

თურქეთის ქალაქ სტამბოლში ნაპოვნი ჰოლანდიელი მხატვრის ვან დეიკის ნამუშევარი ორიგინალია. ამის შესახებ თურქული ფამოცემა Hurriyetdailynews-ი ექსპერტებზე დაყრდნობით იტყობინება. მიუხედავად იმისა, რომ საბოლოო დასკვნა ჯერ არ გამოქვეყნებულა, პირველადი ექსპერტიზის შედეგების მიხედვით, ნახატი ორიგანალია.

გუშინ გავრცელებული ინფორმაციის თანახმად,სტამბოლში კონტრაბანდასთან ბრძოლის სამსახურმა საქართველოდან კონტრაბანდულად გატანილი ფლამანდრიელი მხატვარის ვან დეიკის 14 მილიონად შეფასებული ნახატი აღმოაჩინა.როგორც გამოძიებამ დაადგინა, ნახატის შეძენა საქართველოში 200 000 დოლარად მოხდა, შემდეგ ის სტამბოლში გადაიტანეს და ერთ-ერთ სასტუმროში მის 14 მილიონად გაყიდვას ცდილობდნენ. სპეცოპერაციის შედეგად კონტრაბანდისტები დააკავეს, ხოლო ნახატი ნივთმტკიცებად ამოიღეს.

უცნობია როგორ აღმოჩნდა საქართველოს ტერიტორიაზე ვან დეიკის ნახატი, რომელიც საქართველოში დაცული არასდროს ყოფილა და არ ირიცხება არცერთ მუზეუმსა თუ რეგისტრირებულ კერძო კოლექციებში.

არსებული ვერსიით, ჰოლანდიელი მხატვრის ნამუშევარი ევროპის ერთ-ერთ ქვეყანაში მოიპარეს და რუსეთისა და საქართველოს გავლით სტამბოლში ჩაიტანეს.