ჯორჯ მარტინის რომანის "ყინულისა და ცეცხლის სიმღერის" გადაღებული სერიალის - "სამეფო კარის თამაშების" ახალ სეზონს მაყურებელი დიდი ხანია ელოდება.

მე-6 სეზონის გამოსვლის თარიღი უკვე ცნობილია. მაყურებელი ახალი სეზონის პირველ სერიას 25 აპრილს sky ATLANTIC-ის ეთერში იხილავს.

HBO-მ „სამეფო კარის თამაშების“ მე-6 სეზონის თიზერიც გამოაქვეყნა, რომელიც ჯონ სნოუს კადრით იწყება. თუმცა თიზერში ნათლად არ ჩანს, რა სახით ბრუნდება სნოუ სერიალში.

კადრების თანახმად, მეექვსე სეზონის ერთ-ერთი მთავარი მოქმედი გმირი, სტარკების უმცროსი წარმომადგენელი ბრაან სტარკი იქნება.

„მათ წარმოდგენაც არ აქვს, რა მოხდება“ - ამ წინადადებით სრულდება თიზერი.