უნგრეთის პრემიერი ვიქტორ ორბანი, მიიჩნევს, რომ მიგრანტების ნაკადის შესაჩერებლად ევროკავშირმა საბერძნეთის ჩრდილოეთ საზღვარზე ღობე უნდა ააშენოს. მისი თქმით, ევროკავშირსა და თურქეთს შორის გაფორმებული შეთანხმება მიგრანტების კრიზისის მოსაგვარებლად არასაკმარისი ზომაა.

უნგრეთის პრემიერის თქმით, არალეგალი მიგრანტების ნაკადის შეჩერება მხოლოდ ღობის აგებით არის შესაძლებელი. ამავე მიზნით, ვიქტორ ორბანი ევროკავშირს ბულგარეთის შენგენის ზონაში შეყვანას სთავაზობს და მაკედონიისთვის საზღვრების გასამაგრებლად ფინანსური დახმარების გამოყოფის მომხრეა.

არალეგალი მიგრანტების ნაკადის შესაჩერებლად უნგრეთმა სამხრეთ საზღვარზე უკვე ააგო ღობეები. თურქეთმა კი სირიელებისთვის სავიზო რეჟიმი აამოქმედა.