ჩინეთის საფონდო ბირჟამ დანაკარგები შეამცირა

მსოფლიო - 15:30, 08 Jan, 2016

1723

ჩინეთის საფონდო ბირჟამ დანაკარგები შეამცირა და დარეგულირების ნიშნები გაჩნდა. შანხაის ბირჟაზე Shanghai Composite-ის ინდექსი 2.39%-ითა და 3199 პუნქტით გაიზარდა. Shenzhen-ი კი თითქმის 1.7%-ით გამყარდა.

შეგახსენებთ, ჩინური ბირჟების ვარდნის გამო, ორშაბათს, მთავრობამ ვაჭრობა შეაჩერა. ორშაბათს შანჰაის ინდექსის 7%-იანი, შენჟენის ინდექსის კი 8%-იანი ვარდნის გამო ჩინეთის მთავრობამ ვაჭრობა დროებით შეაჩერა. ბირჟების ვარდნის მიზეზი წარმოების ინდექსის გამოქვეყნება გახდა, რომელიც გასული ექვსი წლის მინიმუმზე 48-მდე შემცირდა.

ორშაბათს ბირჟები სხვა აზიურ ბაზრებზეც შემცირდა, იაპონიის მთავარი ინდექსი Nikkei 225 დღეს 3.1%-ით შემცირდა, ჰენგ სენის ინდექსი კი 2.7%-ით შემცირდა.
საერთაშორისო ბაზარზე არასტაბილურობა საუდის არაბეთის მიერ ირანთან დიპლომატიური ურთიერთობის გაწყვეტასაც უკავშირდება. სპარსეთის ყურის ორ უმსხვილეს ნავთობმომპოვებელ ქვეყანას შორის კონფლიქტის რისკი ნავთობის ფასების ზრდის შესაძლებლობას ზრდის.

აღნიშნულს უკავშირებენ აშშ-ის საფონდო ბირჟაზე არსებულ კრიტიკულ ვითარებასაც. Dow Jones-ის ინდექსი წლის დასაწყისში ბოლო 119 წლის განმავლობაში რეკორდულ მინიმუმამდე დაეცა.

ინდექსმა 911 პუნქტი დაკარგა, რაც 1897 წლის შემდეგ ყველაზე ცუდი მაჩვენებულია. რაც შეეხება Nasdaq-ის ინდექს - 6 პროცენტამდე დაეცა, რაც ბოლო 16 წლის განმავლობაში არ მომხდარა.