თამბაქო მნიშვნელოვნად გაძვირდა - Marlboro – 8 ლარი PARLIAMENT

თამბაქო მნიშვნელოვნად გაძვირდა - Marlboro – 8 ლარი PARLIAMENT – 10 ლარი

ბიზნესი & ეკონომიკა - 22:22, 02 Jan, 2016

37003

ფილიპ მორისის სიგარეტზე ფასმა საგრძნობლად მოიმატა. ახალი წლის დღეებში Marlboro – 8 ლარი, ხოლო PARLIAMENT – 10 ლარი გადახდა. ,,კურიერის“ ინფორმაციით, ფასის ზრდის მიზეზებს არ აკონკრეტებენ.

თავად მომხმარებლები ,,ნიუპოსტთან" ადასტურებენ, რომ ორივე დასახელების სიგარეტი დეფიციტიაში და ახალი წლის დღეებში მისი შეძენა (PARLIAMENT-ის) ფაქტობრივად შეუძლებელი იყო. საკანონმდებლო ცვლილებით თანახმად, 2016 წლის 1 იანვრიდან ფილტრიან სიგარეტზე აქციზის განაკვეთი 15 თეთრით, უფილტროზე კი 5 თეთრით გაიზარდა. ფასის ზრდის სხვადასხვა მიზეზებზეც საუბრობენ, გავრცელებული ინფორმაციით კომპანია ომეგას დისტრიბუციის უფლება ჩამოერთვა, რაც ფასის მატების ერთერთ მიზეზად სახელდება.

გასულ წელს სიგარეტზე ფასის მატებას, ფინანსთა სამინისტრო აქციზის გაზრდით ხსნიდა. უწყების განცხადებით, აქციზის გაზრდა ევროკავშირის კანონმდებლობის გათვალისწინებით მოხდა, ამასთან ის თამბაქოს წინააღმდეგ ბრძოლის ეფექტური საშუალებაა. სახელმწიფო სტრატეგიის მიზანი კი თამბაქოსგან გამოწვეული ჯანმრთელობისა და სოციალური ზიანის შემცირებაა.

რაც შეეხება იმ ფაქტს, რომ ასოცირების ხელშეკრულება გარკვეულწილად გვავალდებულებს აქციზის პოლიტიკის განვითარებას, ,იმპერიალ ტობაკოს“ კორპორატიულ საკითხთა დირექტორი კავკასიაში ირაკლი ნადარეიშვილი ,,ნიუპოსტთან“ განმარტავდა, რომ ადვალორული კომპონენტის შემოღებისთვის, საქართველოს 5-წლიანი დროს აქვს მიცემული და მისი თქმით, გაუგებარია, რატომ მოხდა საკითხის დაჩქარებულად მიღება. ირაკლი ნადარეიშვილი მიიჩნევს, რომ აქციზის გაძვირება უნდა იყოს შეფასებული რეგიონულ კომპლექსში და მან კონტრაბანდის გაჩენის შესაძლებლობა არ უნდა გამოიწვიოს.