„თალიბანი“ მისი ლიდერის აკტარ მანსურისა და რუსეთის პრეზიდენტის, ვლადიმერ პუტინის შეხვედრის შესახებ გავრცელებულ ინფორმაციას უარყოფს. სპეციალური განცხადება დაჯგუფებამ გამოაქვეყნა , სადაც აღნიშნულია , რომ გარე ძალების დახმარება არ სჭირდება და ამასთან დაკავშირებით არავისთან უსაუბრია.

ინფორმაცია „თალიბანის“ ლიდერისა და პუტინის შეხვედრის შესახებ, გასულ კვირას Sunday Times-ში გავრცელდა. გამოცემა მაღალჩინოსან წყაროზე დაყრდნობით იტყობინებოდა, რომ პუტინისა და მანსურის შეხვედრა სექტემბრის თვეში, ტაჯიკეთში, რუსეთის სამხედრო ბაზაზე შედგა. გამოცემის თანახმად, პუტინმა „თალიბანს“ დახმარების პირობა აღუთქვა, თუკი დაჯგუფება „დაეშის“ („ისლამური სახელმწიფო“) წინააღმდეგ ბრძლაში დაეხმარებოდა.

მოლა მანსური „თალიბანის“ ლიდერი აგვისტოში, წინა ლიდერის გარდაცვალების შემდეგ გახდა. ცნობილია, რომ „თალიბანის“ ერთ-ერთი ქვედაჯგუფება მანსურს ლიდერად არ ცნობს.