დღეს ბაჩო ახალაიას საქმის არსებითი მოსმენა გაიმართა, სადაც დაცვის მხარემ მოკლედ განიხილა ბრალდების არსი და აღნიშნა, რომ პროკურატურას მოწმეების ჩვენება სანდო გზით არ აქვს მოპოვებული.

დღესვე სასამართლოზე ბრალდებულმა სამხედრო პირებმა მერაბ კიკაბიძემ და გიორგი გორგაძემ განაცხადეს, რომ ისინი პროკურატურამ არჩევანის წინაშე დააყენა, მათი თქმით,მათ ან ახალაიას წინააღმდეგ უნდა მიეცათ ჩვენება, ან ბრალდებულები თავად გახდებოდნენ. სამხედროებმა ახალაიას წინააღმდეგ ჩვენება არ მისცეს. ახალაიამ კი განაცხადა, რომ პროკურატურა აბსურდული ბრალდებებით ცდილობს მისი საპატიმროში დატოვებას.