" რომ მცოდნოდა, ჩემი ცხოვრება ასე წარიმართებოდა, სულ სხვანაირ წესს ავირჩევდი ... "

" რომ მცოდნოდა, ჩემი ცხოვრება ასე წარიმართებოდა, სულ სხვანაირ წესს ავირჩევდი ... " - კიანუ რივზი

ეს საინტერესოა - 13:38, 26 Dec, 2015

5151

მსახიობი კიანუ რივზი ჰოლივუდის ვარსკვლავებს შორის განსაკუთრებული თავმდაბლობითა და უბრალოებით გამოირჩევა. მის მიერ შექმნილი როლების გარდა, საზოგადოებას განსაკუთრებულად უყვარს მისი ისტორიები და ჩანაწერები. გთავაზობთ ერთ-ერთ მათგანს.

"ჩემი მეგობრის დედა მთელი ცხოვრება ჯანსაღად იკვებებოდა, არ იღებდა ალკოჰოლსა და ცხიმიან საკვებს, ვარჯიშობდა, აქტიური ცხოვრებით ცხოვრობდა, უჯერებდა ექიმის რჩევებს, არ ირუჯებოდა, თუკი მზის აბაზანებს იღებდა, ყოველთვის იყენებდა მზისგან დამცავ კრემებს - ასე რომ ის ყველანირად უფრთხილდებოდა საკუთარ თავს. ახლა ის 76 წლისაა და კანის კიბო, ძვლის კიბო და ქრონიკული ოსტეოპოროზი აქვს.
ჩემი მეგობრის მამა ხორცს, კარაქსა და ცხიმს ეტანებოდა, არ ვარჯიშობდა, მზის გულზე ირუჯებოდა ყოველგვარი დაცვის გარეშე. მოკლედ რომ ვთქვათ, სავსე ცხოვრებით იცხოვრა, ისე, როგორც თავად უნდოდა. ახლა ის 81 წლისაა და ექიმები ამბობენ, რომ მისი ჯანმრთელობის ახალგაზრდასაც შეშურდებოდა.
ხალხი ვერ გაექცევა იმ შხამს, რაც სამყაროშია. ის აქაა, ის მოგნახავს და მოგწამლავს. ასე რომ დაუჯერეთ ჩემი მეგობრის მომაკვდავი დედის სიტყვებს: " რომ მცოდნოდა, ჩემი ცხოვრება ასე წარიმართებოდა, სულ სხვანაირ წესს ავირჩევდი, ვიცხოვრებდი სავსე ცხოვრებით და ვისიამოვნებდი წვრილმანებით."
თითოეულ ჩვენგანს სიკვდილი ელის, ასე, რომ შეწყვიტეთ დეტალებზე ჩაკირკიტება. მიირთვით გემრიელი საკვები, ისეირნეთ მზის გულზე, თქვით სიმართლე, რომელსაც გულით ატარებთ, როგორც საუნჯეს. იყავით სულელი. იყავით კეთილი. იყავით უცნაური. დრო ხომ ასეთი ცოტაა!" - კიანუ რივზი.