თურქეთის სანაპიროებთან ქალაქ მარმარისთან მიგრანტების მორიგი ნავი ჩაიძირა.

როგორც ადგილობრივი სანაპირო დაცვა იტყობინება, ნავზე 200 სირიელი მიგრანტი იმყოფებოდა. ყველა მათგანი უვნებლად გადაარჩინეს და ლტოლვილებისთვის განკუთვნილ ბანაკში გადაიყვანეს.

მიგრანტების დაღუპვის შემთხვევები ხშირია, მაშინ როდესაც ისინი ჩრდილოეთ აფრიკიდან ევროპაში ნავით გადასვლას ცდილობენ. წლის დასაწყისიდან ნავების ჩაძირის შედეგად 3 000-მდე მიგრანტი დაიხრჩო.

შეგახსენებთ, ამ წელს ერთ-ერთი ყველაზე დიდი ტრაგედია აპრილის ბოლოს დაფიქსირდა. ხმელთაშუა ზღვაში მიგრანტებით სავსე გემმა კატასტროფა განიცადა. ბორტზე მყოფი 700-მდე ადამიანიდან, მაშველებმა მხოლოდ 28-ის გადარჩენა მოახერხეს.

ბოლო წლების განმავლობაში, ჩრდილოეთ აფრიკიდან იტალიაში ათიათასობით ადამიანი გადავიდა, რომელთა უმეტესობა ომსა და კონფლიქტებს გაექცა.