ორი დღის წინ "ვოისის" კონკურსანტი პატიმარი, თეონა ყოლბაია შოუს შემდეგ ეტაპზე ვერ გადავიდა, თუმცა ნანატრი თავისუფლება მოიპოვა. სასჯელაღსრულების მინისტრმა კახა კახიშვილმა მას სცენაზე, პირდაპირ ეთერში შეატყობინა, რომ პატიმრობიდან გათავისუფლებულია.

მსოფლიო ტელესივრცეში უპრეზედენტო შემთხვევას BBC-ი გამოეხმაურა.

„ქართველი პატიმარი კონკურზე სიმღერის შერულების შემდეგ პატიმრობიდან გაათავისუფლეს“ - წერს გამოცემა და ტელეკომპანია „იმედის“ პირდაპირ ეთერში მომხდარ უპრეზედენტო შემთხვევას აღწერს.

შეგახსენებთ, წარსულში თაღლითობისთვის ნასამართლევი, 26 წლის თეონა ყოლბაია 2012 წლის 5 მაისს დააკავეს. ყაჩაღობის ბრალდებით დაკავებულ ყოლბაიას 13 წელი მიესაჯა, ამნისტიის შემდეგ სასჯელის ვადად 4 წელი განესაზღვრა და გათავისუფლებამდე რამდენიმე თვე ჰქონდა დარჩენილი.
თეონა ყოლბაია და თეიმურაზ ბააცაშვილი, სათამაშო იარაღით შეიარაღებულები აყაჩაღებდნენ კერძო ტაქსის მფლობელებს. წინასწარ შერჩეულ ადგილას აჩერებდნენ ტაქსს, რის შემდეგაც მიყავდათ თბილისის ზღვის მიმდებარე ტერიტორიაზე და სათამაშო იარაღის მუქარით სძალავდნენ ფულს. მობილურ ტელეფონს და ავტომანქანას, ხოლო მძღოლს შემთხვევის ადგილზე ტოვებდნენ. ასევე გამოძიების შედეგად დადგენილია, რომ მათ მიერ ასევე დაყაჩაღებულია დ. უზნაძის ქუჩაზე მდებარე სასურსათო მაღაზია, საიდანაც გაიტაცეს 250 ლარი.