ოჯახის პრობლემების შესახებ ხელვაჩაურის რაიონის ხელმძღვანელობამ გუშინ შეიტყო და გოგიტა დედათა და ბავშვთა ცენტრის რეანიმაციის განყოფილებაში მოათავსა. აღსანიშნავია, რომ აბაშიძეების ოჯახმა სოციალურად დაუცველის სტატუსის მოპოვება ამ დრომდე ვერ შეძლო, რადგან გოგიტას დედამ დოკუმენტაციის სრულყოფისათვის საჭირო დრო ვერ გამონახა.

დედის თქმით, ჩვილმა ფილტვებისა და ნაწლავების ფარული ანთება გადაიტანა, ავადმყოფობის პერიოდში კი დედა ბავშვისთვის მხოლოდ პურის ფქვილის ფაფის მომზადებას ახერხებდა. სწორედ ეს მოუცლელობა იყო მიზეზი, რის გამოც ოჯახმა სააგენტოში არასრული დოკუმენტაცია წარადგინა, რის შემდეგაც სოციალურად დაუცველის სტატუსი ვერ მიიღო.

მედიკოსების განცხადებით, გოგიტას დმგომარეობა ამ დროისთვის საკმაოდ მძიმეა. მედიკოსები მისი ჯანმრთელობის მდგომაროებას იკვლევენ, თუმცა დაზუსტებულია, რომ პატარა გოგიტას მდგომარეობა ხშირად შიმშილის ზღვარზე ყოფნამ და ამის გამო ორგანიზმის დასუსტებამ გამოიწვია.