"მის სამყარო 2015"-ის სკანდალის შემდეგ, კოლუმბიის წარმომადგენელი არიადნე გუტიერეს არევალო ინსტაგრამის ოფიციალურ გვერდზე პირველ კომენტარს აკეთებს.

"ახლა, როდესაც ქარიშხალი ჩაწყნარდა მინდა მადლობა გითხრათ თითოეულ თქვენგანს მხარდაჭერისთვის.მადლობელი ვარ, რომ მხარდაჭერა გამომიცხადა არა მხოლოდ ერთმა ქვეყანამ, არამედ მთელმა მსოფლიომ. ჩემი ცხოვრების წიგნში თქვენ ჩაეწერეთ როგორც არაჩვეულებრივი ადამიანები. მიხარია, რომ ჩემს ქვეყანას რამდენიმე წუთით მაინც მოვუტანე სიხარული. დღეს კოლუმბიაზე და ლათინელ მოსახლეობაზე საუბრობენ მთელს მსოფლიოში. აგრეთვე ,მინდა მივულოცო ფილიპინებს. ცხოვრება გრძელდება და გვაჩვენებს თუ რატომ ხდება რაღაცები, ისე როგორც ხდება. დიდი მადლობა ყველას მხარდაჭერისთვის და სიკეთისთვის" - წერს "მის კოლუმბია."

შეგახსენებთ, ლას-ვეგასში ჩატარებული "მის სამყარო 2015"-ის კონკურსზე უხერხული ინციდენტი მოხდა. კონკურსის წამყვანმა სთივ ჰარვიმ გამარჯვებულად 21 წლის კოლუმბიელი კონკურსანტი - არიადნე გუტიერეს არევალო დაასახელა. გამარჯვებულის გვირგვინი ყოფილმა "მის სამყარომ" ასევე კოლუმბიელმა პაულინა ვეგამ კოლუმბიის წარმომადგენელს დააგდა. შეცდომის აღმოჩენის შემდეგ კი გუტიერესს, შარშანდელმა გამარჯვებულმა გვირგვინი მოხსნა და ფილიპინების წარმომადგენელს, 26 წლის პია ალონსო ვურტცბახს გადასცა.

გავრცელებული ცნობით, კოლუმბიელი მოდელი "მის სამყაროს" კონკურსისთვის მორალური ზიანის მიყენებისთვის ჩივილს აპირებს.