22 მარტის ასტროლოგიური პროგნოზი

საზოგადოება - 23:48, 21 Mar, 2013

1203

ვერძი: აც არ უნდა ეგოისტურად ჟღერდეს ეს ყოველივე, გახსოვდეთ, რომ დღეს საკუთარი თავი პირველ ადგილზე უნდა დააყენოთ. თქვენ ყოველთვის გარშემომყოფების პრობლემების მოგვარებით იყავით დაკავებული და მათი მდგომარეობა თქვენთვის უპირველესი იყო, ახლა კი დროა ასეთ სიტუაციებზე უარი თქვათ. კარგი იქნება თუ გამონახავთ გარკვეულ ფინანსებს და მხოლოდ საკუთარ თავს მოახმართ. მოიწყვეთ დასვენება და საკუთარი თავისთვის რაიმე სასიამოვნო გაიმეტეთ.

კური: იყო კარგი მეგობარი სულაც არ ნიშნავს იმას, რომ იმ ადამიანის მაგივრადაც უნდა იაზროვნოთ. ასეთ შემთხვევაში შესაძლოა თავად აღმოჩნდეთ ცუდ სიტუაციაში, რადგან ხშირად რთულია მიხვდეთ, ამ ადამიანს ასეთი სიტუაცია მოსწონს თუ არა. კარგი იქნება თუ ამ ყოველივეს თქვენ მეგობრებთანაც გაარკვევთ და გაუგებარ სიტუაციებს თავს აარიდებთ. თქვენთვის თქვენი მეგობრები ნამდვილად ბევრს ნიშნავს, ამიტომ მათთან რაიმე გაურკვევლობას მაქსიმალურად უნდა მოერიდოთ.

ტყუპები: დღეს არის იმ დღეებიდან ერთ–ერთი, როცა გგონიათ, რომ ადამიანები სპეციალურად გიქმნიან გარკვეულ დაბრკოლებებს. კარგი ამბავი ის გახლავთ, რომ ასეთი სიტუაციებიდან თავის დახსნა ძალიან მარტივია – უბრალოდ ეს დღე მაქსიმალურად მშვიდად და წყნარად დაიწყეთ. უარი თქვით წამოწყებულ კამათსა თუ უთანხმოებაში ჩაბმაზე, შესაძლოა ასეთმა სიტუაციამ თქვენთვის უარყოფითი შედეგი გამოიღოს.

კირჩხიბი: ეცადეთ საკუთარი ცნობიმოყვარეობა აკონტროლოთ. გარშემომყოფი ადამიანების სხვადასხვაგვარი ხასიათის გათვალისწინებით, თქვენმა ცნობისმოყვარეობამ შესაძლოა დიდი პრობლემები შეგიქმნათ. დღეს არ არის საუკეთესო დღე რაიმე ახალი პროექტებისა თუ საქმიანობების წამოსაწყებად. ერიდეთ ახალი ურთიერთობების წამოწყებასაც და სანაცნობო წრეში რაც შეიძლება ნაკლებად დააფიქსირეთ საკუთარი აზრი და შეხედულება. გახსოვდეთ, რომ მხოლოდ დღეს მოგეთხოვებათ სრული სიწყნარე, ეს ყველაფერი სამომავლოდ თქვენს წარმატებაზე დადებითად აისახება.

ლომი: არ დაკარგოთ თვითკონტროლი იმ გამაღიზიანებელი სიახლეებისათვის, რომლის მოსმენაც აუცილებლად მოგიწევთ. დღეს შესაძლოა ახალი ამბის მხოლოდ ნაწილი გახდეს თქვენთვის ცნობილი, ამიტომ უკეთესი იქნება თუ დანარჩენ სიახლეებსაც დაელოდებითდ და ცივ გონებაზე არ იმოქმედებთ. ასეთ შემთხვევაში მიღებულ გადაწყვეტილებებს სამომავლოდ აუცილებლად ინანებთ.

ქალწული: თქვენ ირგვლივ ახალი სახეები ძალიან სწრაფად იკრებენ თავს, ამან შესაძლოა თქვენი დაბნეულობა გამოიწვიოს. გაგიჭირდებათ გაარჩიოთ დადებითი პიროვნებები უარყოფითისგან. ამიტომ, სანამ ვინმესთან ურთიერთობას დაიწყებთ, უკეთესი იქნება, თუ გარკვეული ხნით მათ კარგად დააკვირდებით. ასე განსაზღვრავთ, ვისთან შეგიძლიათ გქონდეთ ახლო ურთიერთობა და ვისთან უნდა დაიჭიროთ გარკვეული დისტანცია.

სასწორი: ძალიან ცუდია, როცა გგონიათ რომ ყოველთვის ყველაფერში სხვები არიან დამნაშავეები, თქვენ კი უბრალოდ მათი მსხვერპლი ხართ. კარგი იქნება თუ რამდენიმე ნაბიჯს უკან გადადგამთ და უკანასკნელი დროის მანძილზე წარმოქმნილ პრობლემებს გადახედავთ. მაშინ მიხვდებით, რომ ბევრი ნეგატიური სიტუაციის წარმომქმნელი მიზეზი თავად იყავით. კარგი იქნება თუ სამომავლოდ ასეთ შეცდომებს აღარ გაიმეორებთ და სხვების მდგომარეობაშიც შეხვალთ.

მორიელი: ძალიან კარგია როცა საკუთარ მეგობრებს გვერდში უდგხართ, მაგრამ სანამ თქვენ სხვისი პრობლემებით ხართ დაკავებული, ვინ ფიქრობს თქვენი პრობლემების მოგვარებაზე? ეცადეთ თქვენი დრო რაციონალურად გადაანაწილოთ. ნუ ჩაეფლობით ახლობლებისთვის სიტუაციების გამორკვევაში, გახსოვდეთ, რომ თქვენც ბევრი რამ გაქვთ გადასაწყვეტი და გასარკვევი.

მშვილდოსანი: დღეს შესაძლოა სენსაციის მომსწრე გახდეთ. ადამიანი რომელიც ყოველთვის მტკიცედ იცავდა საკუთარ პოზიციებს, თქვენთან დისკუსიის შემდეგ შეხედულებებს შეიცვლის და აღიარებს, რომ თქვენ მართალი ხართ. ეს თქვენი ხასიათის დადებით განწყობას განაპირობებს და კარგი იქნება, თუ ამის საფუძველზე მაქსიმალურად კარგად შეასრულებთ დაკისრებულ მოვალეობებს, საღამოს საათებს კი მეგობრებთნ ერთად გაატარებთ და მიღწეულ წარმატებასაც აღნიშნავთ.

თხის რქა: დღევანდელი დღე თქვენთვის წარმატებული ნამდვილად არ იქნება. დაღლილობასა და ნეგატიურ განწყობას იგრძნობთ. კარგი იქნება თუ შვებულებაზე იფიქრებთ და გამოჩენილ თავისუფალ დროს მხოლოდ საკუთარ თავს დაუთმობთ. შეგიძლიათ დახმარება მეგობრებს სთხოვოთ და რჩევებსაც დაეკითხოთ მათ. არც ოჯახის წევრებთან ურთიერთობაზე თქვათ უარი, ეს ყველაფერი თქვენთვის ძალიან მნშვნელოვანი იქნება.

მერწყული: დღეს თქვენთვის მეტად მნშვნელოვანია ახლობლებს საკუთარი აზრები და დამოკიდებულებები გაუზიაროთ. მათი რჩევები სწორი არჩევანის გაკეთებაში აუცილებლად დაგეხმარებათ. ასევე კარგი იქნება სანამ ნაბიჯს გადადგამთ, მანამდე კარგად თუ დაფიქრდებით, არ ინერვიულოთ წინასწარ შედეგებზე, დღევანდელი დღე თქვენთვის წარმატებით განვითარდება.

თევზები: თქვენ ნამდვილად შეგწევთ ძალა, პოზიტიური განწყობა შეუქმნათ თქვენს ირგვლივ მყოფ ადამიანებს. ასე განაგრძეთ და გახსოვდეთ, რომ თქვენი ხასიათის გამო ხალხი ძალიან გაფასებთ. ხოლო თქვენი მეგობრები უბრალოდ გაღმერთებენ, ამიტომ ეცადეთ მათი იმედები არ გააცრუოთ და ნეგატიურ განწყობას არასდროს მისცეთ საშუალება ზემოთ აღნიშნული სტერეოტიპები დაამსხვრიონ.