„მის სამყაროზე“ მომხდარი სკანდალი, შესაძლოა საერთაშორისო დაპირისპირებაში გადაიზარდოს. როგორც დასავლური ტაბლოიდები წერენ, კოლუმბია, როგორც ქვეყანა, "მის სამყაროს" საორგანიზაციო კომიტეტის წინაღმდეგ სარჩელის შეტანას აპირებს და სახელმწიფოს წინაშე ბოდიშის მოხდას მოითხოვს.

სარჩელს კოლუმბიის ადგილობრივი საადვოკატო კომპანია ამზადებს. კომპანიის მტკიცებით, კონკურსზე მომხდარი ინციდენტი კოლუმბიელი ხალხის შეურაცხყოფა იყო.

სკანდალური ინციდენტი, ლას-ვეგასში ჩატარებული "მის სამყარო 2015"-ის ფინალზე მოხდა. კონკურსის წამყვანმა სთივ ჰარვიმ გამარჯვებულად 21 წლის კოლუმბიელი კონკურსანტი - არიადნე გუტიერეს არევალო დაასახელა. გამარჯვებულის გვირგვინი ყოფილმა "მის სამყარომ" ასევე კოლუმბიელმა პაულინა ვეგამ კოლუმბიის წარმომადგენელს დააგდა. შეცდომის აღმოჩენის შემდეგ კი გუტიერესს, შარშანდელმა გამარჯვებულმა გვირგვინი მოხსნა და ფილიპინების წარმომადგენელს, 26 წლის პია ალონსო ვურტცბახს გადასცა.

აღნიშნულ ინციდენტს, კოლუმბიის პრეზიდენტი ხუან მანუელ სანჩესი გამოეხმაურა.
”ადრიანა გუტიერეს, ჩვენთვის შენ რჩები მის სამყაროდ! ძალიან ვამაყობთ შენით” - წერს კოლუმბიის პრეზიდენტი თვითერის გვერდზე.

შეცდომასთან დაკავშირებით რამდენიმე ვერსია ვრცელდება. ერთ-ერთი ვერსიის თანახმად, "მის სამყარო2015"-ზე მომხდარი ინციდენტი გამიზნული და წინასწარ დაგეგმილი იყო. აღსანიშნავია, რომ შარშანდელმა "მის სამყარომ", ასევე კოლუმბიელიმა პაულინა ვეგამ ამერიკელი პოლიტიკოსი დონალდ ტრამპი მისი რასისტული გამონათქვამების გამო გაკრიტიკებდა. ვინაიდან, "მის სამყარო" დონალდ ტრამპის ეგიდით ტარდება, კოლუმბიის წარმომადგენლის "დამცირება" გადაწყვიტეს.