BBC-ს ცნობით, სლოვენიაში მიმდინარეობს რეფერენდუმი, რომლის საკითხიც ქვეყანაში ერთსქესიანთა ქორწინების დაშვებაა. თუ მოსახლეობის უმრავლესობა ამ კითხვაზე დადებით პასუხს გასცემს, სლოვენია პირველი პოსტსაბჭოთა სახელმწიფო იქნება, რომელშიც გეი-კავშირები ოფიციალურად დაკანონდება.

აღნიშნულ საკითხთან დაკავშირებით 2015 წლის მარტში სლოვენიის პარლამენტმა კანონში მიიღო შესწორება, რომლის თანახმადაც ქორწინებად ჩაითვლება "ორი ადამიანის კავშირი" და არა "ქალსა და კაცს შოირის კავშირი", როგორც ეს ადრინდელ რედაქციაშ იყო.

ამ ჩასწორებას ქვეყანაში მასობრივი საპროტესტო კამპანია მოჰყვა, რომელმაც მისი ფაქტობრივი რეალიზაცია ჩაშალა.

ამ საპროტესტო ტალღის შემდეგ, ხელისუფლებამ გადაწყვიტა, რომ საკითხი რეფერენდუმზე გაეტანა. აღსანიშნავია, რომ სლოვენიის მოსახლეობის უდიდესი ნაწილი კათოლიკური სარწმუნოების ამღიარებელია, რომელიც ამ სახის ქორწინებებს არ აღიარებს.

აღსანიშნავია, რომ ანალოგიური რეფერენდუმი 2012 წელს გაიმართა და აღნიშნულმა საკითხმა უარყოფითი შედეგი მიიღო, თუმცა, მაშინ რეფერენდუმზე მოსახლეობის დაბალი აქტივობა დაფიქსირდა.