აშშ დემოკრატიული პარტიის პრეზიდენტობის კანდიდატებს შორის დაძაბული ბრძოლა მიმდინარეობს. ხშირად მოწინააღმდეგეები აკრძალული ილეთების გამოყენებასაც არ ერიდებიან.
ოთხშაბათს, ინტერნეტ გამოცემა BuzzFeed News-მა გაავრცელა ცნობა, რომ ერთერთი საპრეზიდენტო კანდიდატის, ვერმონტის შტატის სენატორის, ბერნი სანდერსის შტაბის თანამშრომლებმა ჰილარი კლინტონის მონაცემთა ბაზაში შეაღწიეს, რომელიც დემოკრატიული პარტიის ნაციონალური კომიტეტის კომპიუტერულ ცენტრში იყო მოთავსებული.
დემოკრატიული პარტიის ნაციონალურ კომიტეტში ამ ფაქტს აღმაშფოთებელი უწოდეს, ხოლო თავად ბერნი სანდერსს ჰილარი კლინტონისათვის ოფიციალური ბოდიშის მოხდა მოუწია, ხოლო ჰაკერი სამსახურიდან დაითხოვა.
თავად კლინტონი ამ ფაქტს არაფრად აგდებს და აცხადებს, რომ იგი მაინც გაიმარჯვებს არჩევნებში, რადგან ამერიკელ ხალხს ამგვარი ფაქტები არ აინტერესებს.
მასალის გამოყენების პირობები






