რუსეთის პრეზიდენტმა, ვლადიმირ პუტინმა, წლის შემაჯამებელ პრესკონფერენციაზე უკრაინაში რუსი სამხედროების ყოფნა პირველად დაადასტურა.

"ჩვენ არასოდეს გვითქვამს, რომ იქ არ არიან ადამიანები, რომლებიც სამხედრო სფეროში გარკვეული საკითხების გადაწყვეტით არიან დაკავებულები. თუმცა , მინდა აღვნიშნო, ეს იმას არ ნიშნავს, რომ იქ რეგულარული რუსული ჯარები იმყოფებიან. დაინახეთ სხვაობა" - განაცხადა პუტინმა.

რუსეთ-უკრაინის ურთიერთობის პერსპექტივებზე საუბრისას კი, რუსეთის პრეზიდენტმა აღნიშნა, რომ მოსკოვი უკრაინის წინააღმდეგ სანქციების დაწესებას არ აპირებს, თუმცა კიევი შეღავათებით ვეღარ ისარგებლებს.

"ჩვენ დაინტერესებული ვართ, რომ ეს კონფლიქტი რაც შეიძლება სწრაფად მოგვარდეს, თუმცა არა ადამიანების ფიზიკური ლიკვიდირების ხარჯზე უკრაინის სამხრეთ-აღმოსავლეთში" - დასძინა პუტინმა.