გარდაცვლილთა შორის ყველაზე მეტი 30-დან 64 წლამდე ასაკის პირები არიან. ამ ასაკობრივ ჯგუფზე გარდაცვალების 19 შემთხვევა მოდის. ამასთან, გარდაცვლილთა შორის სამი ორსული იყო, ორი ოთხწლამდე ასაკის ბავშვი, ერთი კი _ 5-დან 14 წლამდე ასაკის. გარდაცვალების ერთი შემთხვევა 15-29 წლის ასაკობრივ ჯგუფშიც დაფიქსირდა. ორი კი, 65 წელს გადაცილებული პირები იყვნენ.

ამასთან, ლაბორატორიულად დადასტურებული შემთხვევების უმეტესობა კი 0-დან 4 წლამდე ასაკის ბავშვებზე მოდის. ეს მაჩვენებელი 114-ს შეადგენს. გრიპის შემთხვევების რაოდენობით ასევე 30-დან 64 წლამდე ასაკობრივი ჯგუფი გამოირჩევა, სადაც ვირუსით ინფიცირების ლაბორატორიულად დადასტურებული 104 შემთხვევეაა აღრიცხული.
ცენტრში განმარტავენ, რომ ლაბორატორიულად დაუდასტურებელი შემთხვევების უკან უამრავი დაუდასტურებელი შემთხვევა დგას. ცენტრში სინჯებს მძიმე შემთხვევებიდან იღებენ. გრიპის ვირუსით ინფიცირებულთა სამედიცინო დაწესებულებების მიმართ მიმართვიანობა მარტის ბოლოსთვის მკვეთრად იკლებს, აპრილში კი ინფიცირების ერთეული შემთხვევები დაფიქსირდება.