საუდის არაბეთის ხელისუფლების განცხადებით, ისლამური სახელმწოფოები ახალ ანტიტერორისტულ სამხედრო კოალიციას ქმნიან. ამის შესახებ ტელეკომპანია ,,ალ-არაბია“ იტყობინება.

აღნიშნულ საკითხთან დაკავშირებით გამოქვეყნებულ ერთობლივ განცხადებაში ნათქვამია, რომ 34 ისლამური სახელმწიფო არაბეთის გაერთიანებული საემიროების მეთაურობით, ტერორიზმთან ბრძოლის ეგიდით ახალ სამხედრო კავშირს ქმნიან, რომლის ოპერატიული შტაბი საუდის არაბეთის დედაქალაქ ერ-რიადში იქნება.

ცნობილია, რომ კოალიციაში არაბეთის გაერთიანებული საემიროების გარდა შედიანიორდანია, ეგვიპტე, თურქეთი, ტუნისი, მალაიზია ყატარი, პაკისტანი. ასევე პალესტინა(როგორც დამოუკიდებელი სახელმწიფო), სომალი, ნიგერია, მაროკო, იემენი და ა.შ. დასახელებულ კოალიციაში, გარკვეული მიზეზების გამო არ იქნება ირანი და სირია.

კონკრეტულად რა სტრატეგიით აპირებენ საერთაშორისო ტერორიზმის წინააღმდეგ ბრძოლას, განცხადებაში დაკონკრეტებული არ არის.

დოკუმენტში საუბარია, რომ აუცილებელია მუსლიმი ერების დაცვა იმ საშინელებებისაგან, რომელსაც ტერორიზმი და ტერორისტული ორგანიზაციები ჰქვია.