"ნიუპოსტის" მიერ მოპოვებული ინფორმაციის თანახმად, ახალგაზრდა მამაკაცი, რომელიც თავდასხმის მსხვერპლი გახდა, ყაზბეგის 31-ში მდებარე ვალუტის გადამცვლელ ჯიხურში მუშაობდა, მოცემულ დროს კი სამუშაო ადგილზე იმყოფებოდა.

მკვლელობაში ეჭვმიტანილი იმავე მისამართზე ცხოვრობს და მოკლული მას იცნობდა, ამიტომაც მისი თხოვნა, შეეშვა ჯიხურში, დააკმაყოფილა და კარი გაუღო, რის შემდეგაც მომხდურმა ფული მოსთხოვა და დანით დაემუქრა. შელაპარაკებისა და ფიზიკური დაპირისპირების დროს თავდამსხმელმა ფული დაიტაცა და ვალუტის გადამცვლელს ყელზე დანა დაადო.

თავდამსხმელმა მძევალთან ერთად ჯიხურის დატოვება სცადა, მაგრამ ყველაფერი იმით დასრულდა, რომ თავდამსხმელმა მამაკაცს ყელში სასიკვდილო ჭრილობა მიაყენა, რის შემდეგაც პოლიციამ დააკავა. ყელში დაჭრილი მამაკაცი საავადმყოფოში გადაყვანამდე გარდაიცვალა.