შემთხვევის ადგილზე კრიმინალისტები მუშაობენ. მოკლულია ახალგაზრდა, 32-33 წლის მამაკაცი, რომელიც ვალუტის გადამცვლელ ჯიხურში მუშაობდა.

სავარაუდოდ, თანხის გატაცების მიზნით, ის მძევლად აიყვანა შეიარაღებულმა პირმა, 50 წლამდე ასაკის მამაკაცმა, რომელიც ცეცხლსასროლი იარაღით იყო შეიარაღებული. მას შემდეგ, რაც შემთხვევის ადგილზე პოლიცია მივიდა, თავდამსხმელმა მძევალი მოკლა და სამართალდამცველებს ჩაბარდა.

შსს მკვლელობის ფაქტს ადასტურებს. მოკლული უკვე გადაასვენეს პროზექტურაში, მისი ვინაობა ჯერჯერობით არ სახელდება.