12 დეკემბერს, პირველად საუდის არაბეთის ისტორიაში, ქალი-კანდიდატები მონაწილეობას მიიღებენ ადგილობრივი ორგანოების არჩევნებში, რომელიც 2015 წლის დეკემბერში უნდა ჩატარდეს. ადგილობრივი საარჩევნო ადმინისტრაციების ცნობით, სულ დარეგისტრირებულია 978-მდე ქალი კანდიდატი, 5938 მამაკაცის წინააღმდეგ. სულ ასარჩევია 2100 ადგილობრივი ხელისუფლების წარმომადგენელი. აღსანიშნავია, რომ ადგილობრივ ორგანოებს საუდის არაბეთში მხოლოდ 2005 წლიდან ირჩევენ.

ქვეყანაში მოქმედი სქესობრივი სეგრეგაციის მკაცრი კანონების გამო, თავისებური იყო საარჩევნო კამპანიის გამართვის წესებიც. კერძოდ, ქალ და კაც კანდიდატებს ეკრძალებოდათ საარჩევნო მიტინგებსა თუ ღონისძიებებზე ერთდროულად გამოჩენა. აგრეთვე, ვინაიდან საუდის არაბეთში ქალს ეკრძალება სახის საჯაროდ გამოჩენა, საარჩევნო პლაკატებსა და პოსტერებზე, საარჩევნო თანასწორობის დაცვის მიზნთ, არც კაც კანდიდატებს გამოუქვეყნებიათ ფოტოსურათები.

შეგახსენებთ, რომ საუდის არაბეთი ერთადერთი ქვეყანაა მსოფლიოში, სადაც ქალს ავტომობილის მართვა ეკრძალება.