მსოფლიოში სამხედრო-პოლიტიკური სიტუაციის გამწვავების ფონზე, ნატო გაფართოებას განაგრძობს

მსოფლიოში სამხედრო-პოლიტიკური სიტუაციის გამწვავების ფონზე, ნატო გაფართოებას განაგრძობს - შოიგუ

მსოფლიო - 17:25, 11 Dec, 2015

2153

რუსეთის თავდაცვის მინისტრის სერგეი შოიგუს განცხადებით, მსოფლიოში სამხედრო-პოლიტიკური სიტუაციის გაწმვავების ფონზე, ნატო გაფართოების პოლიტიკას განაგრძობს. ამის შესახებ შოიგუმ თავდაცვის სამინისტროს კოლეგიაზე სიტყვით გამოსვლისას განაცხადა.
მისი თქმით, ბოლო პერიოდში ბალტიისპირეთის ქვეყნებში, პოლონეთსა და რუმინეთში ნატო-ს სამხედრო თვითმფრინავები 8-ჯერ, სამხედრო მოსამსახურეთა რაოდენობა კი 13-ჯერ გაიზარდა. "ბელგიაში, იტალიაში, ჰოლანდიაში, გერმანიასა და თურქეთში განლაგებულია 200-მდე ამერიკული ბირთვული ავიაბომბი. თავისმხრივ, რუსეთის შეიარაღებული ძალები 2016 წელს გააძლიერებს სამხედრო ძალებს დასავლეთისა სამხრეთ-დასავლეთის მიმართულებით" - განაცხადა შოიგუმ.

"მოკლე პერიოდში ნატოს ბლოკი ორჯერ გაიზარდა და გაწევრიანებისთვის აქტიურად ემზადებიან მონტენეგრო, მაკედონია, საქართველო და უკრაინა" - დასძინა რუსეთის თავდაცვის მინისტრმა.

კოლეგიაზე სიტყვით გამოსვლისას, სერგეი შოიგუმ სირიაში რუსეთის ოპერაციაზეც ისაუბრა. მისი ინფორმაციით, ოპერაციის დაწყებიდან დღემდე რუსულმა ავიაციამ 4 000-მდე საბრძოლო ფრენა განახორციელა და "ისლამური სახელმწიფოს" 8 000-ზე მეტი ობიექტი გაანადგურა.