მიშელ პლატინის ფეხბურთიდან 90 დღიანი ჩამოცილების გადაწყვეტილება ძალაში რჩება

მსოფლიო - 15:11, 11 Dec, 2015

1315

უეფას პრეზიდენტის მიშელ პლატინის ფეხბურთიდან მ 90 დღიანი ჩამოცილების გადაწყვეტილება ძალაში რჩება. პლატინის აპელაცია ლოზანას სპორტულმა საარბიტრაჟო სასამართლომ არ დააკმაყოფილა.

გარდა ამისა, საარბიტრაჟო სასამართლომ ფიფას რეკომედაციით მიმართა, რომ პლატინის 90 დღიანი დისკვალიფიკაცია კიდევ 45 დღით არ გაახანგრძლივოს.

შეგახსენებთ, 23 ნოემბერს ფიფა-ს ეთიკის კომიტეტის საარბიტრაჟო პალატამ ზეპ ბლატერისა და უეფა-ს პრეზიდენტის მიშელ პლატინის წინააღმდეგ გამოძიება დაიწყო. ბლატერს პლატინისთვის ჰონორარის სახით 2 მილიონი შვეიცარიული ფრანკის გადახდაში ადანაშაულებენ.

ფიფა-ს სკანდალი გასული თვის მაისში დაიწყო. 14 მაღალჩინოსანი გასულ თვეს შვეიცარიის ქალაქ ციურიხში ქრთამის სისტემატიურად აღებისა და 2018-2022 წლებში მსოფლიო ჩემპიონატის გამართვის ადგილის არჩევის დროს უკანონო ქმედებების ბრალდებით დააკავეს.

მსოფლიო ფეხბურთის მმართველი ორგანოს ეთიკის კომიტეტმა კორუფციულ გარიგებებში ეჭვმიტანილ პლატინისა და ზეპ ბლატერს საფეხბურთო საქმიანობა 90 დღით აუკრძალა.

უეფას პრეზიდენტს სასჯელის ვადა 2016 წლის 5 იანვარს ეწურება. სასჯელის მოხდის შემდეგ, საარჩევნო კომიტეტი პლატინის საკითხს ინდივიდუალურად განიხილავს.