სკანდალი სამეფო ოჯახში - პრინცი ჰარი ქეით მიდლტონის დას ხვდება (ფოტოკოლაჟი)

ეს საინტერესოა - 15:06, 10 Dec, 2015

15996

დასავლური ტაბლოიდები ახალ რომანზე წერენ. როგორც გამოცემა OK! იტყობინება, დიდი ბრიტანეთის სამეფო ოჯახში შესაძლოა ახალი ქორწილი შედგეს - პრინცი ჰარი მისი ძმის ცოლის დას ხვდება.

გამოცემის თანახმად პრინც უილიამის უმცროს ძმას - პრინც ჰარისა და ჰერცოგინია ქეით მიდილტონის დას - პიპა მიდლტონს უკვე 3 თვეა რომანი აქვთ, რომლის ინიციატორიც თავად პიპაა.

როგორც გამოცემა წყაროზე დაყრდნობით იტყობინება, პიპამ ფინანსისტ ნიკ ჯეკსონთან სამწლიანი ურთიერთობა დაასრულა, რის შემდეგადაც პრინც ჰარის თავად დაურეკა და პირველი შეხვედრაც სწორედ მას სთხოვა. თუმცა, მათ სიმპატიებზე გაცილებით ადრე, უილიამისა და ქეითის ქორწილის შემდეგ ალაპარაკდნენ. დასავლური ტაბლოიდები აქტიურად წერდნენ, რომ ჰარი და პიპა ერთმანეთთან განსაკუთრებულად თბილად ურთიერთობდნენ.

„ამის შემდეგ კი მათი ურთიერთობა საკმაოდ სწრაფად განვითარდა. მიუხედავად იმისა, რომ წყვილი ურთიერთობას მალავდა, სამეფო ოჯახის წევრებმა ამის შესახებ მაინც გაიგეს და რეაქცია ძალიან მძაფრი იყო“ - წერს OK! წყაროზე დაყრდნობით.

განსაკუთრებული აღშფოთება დედოოფალმა ელისაბეტმა გამოხატა, რომელიც პრინცი ჰარის სასიყვარულო ურთიერთობებით მუდმივად უკმაყოფილოა.

თუკი გავრცელებული ინფორმაცია სიმართლეა და 31 წლის პრინცი და 32 წლის პიპას მართლაც სერიოზული ურთიერთიბა აქვთ, ბრიტანეთი სამეფო ოჯახში მალე ორი მიდლტონი იქნება.