ჩადის ტბაში მდებარე კუნძულ კულფუაზე, რომელიც ჩადის რესპუბლიკის სიახლოვეს მდებარეობს თვითმკვლელების მიერ განხორცილებულ 3 აფეთქებას 30 ადამიანის სიცოცხლე ემსხვერპლა, 80 კი დაიჭრა. არსებული ინფორმაციით აფეთქებები ხალხმრავალ ბაზარში მოხდა. ინფორმაციას ამის შესახებ BBC ავრცელებს.

ჯერჯერობით თავდასხმაზე პასუხისმგებლობა ამ რეგიონში არსებულ არცერთ ტერორისტულ დაჯგუფებას არ აუღია.

წელს რეგიონის ათასობით მაცხოვრებელმა ისლამისტების თავდასხმებისგან თავდასაცავად თავი სწორედ კუნძულ კულფუას შეაფარა.

ჩადის სამხედროები მონაწილეობენ ამ რეგიონში მოქმედი ტერორისტული დაჯგუფების „ბოკო ჰარამის“ წინააღმდეგ საბრძოლო ოპერაციებში.