რას განიშნებთ თავის ტკივილი

ეს საინტერესოა - 15:44, 04 Dec, 2015

14805

ყველა ადამიანი ერთხელ მაინც შეუწუხებია თავის ტკივილს, ზოგისთვის ეს ტკივილი ცხოვრების განუყრელ ფაქტორად იქცა. იმისთვის რომ მიახლოებით მაინც იცოდეთ, რას განიშნებთ თქვენი თავი, დაუკვირდით, სად და რა ინტენსივობით გტკივათ. თუმცა მკითხაობას ყოველთვის ჯობია, რომ თქვენი სხეულის ამ უმნიშვნელოვანესი ნაწილის ბედ-იღბალი, შემდეგი გართულებების თავიდან აცილებისთვის კომპეტენტურ ადამიანებს-ექიმებს მიანდოთ:

1. ტკივილი საფეთქლის არეში- ასეთი ტკივილი ადამიანს ყველაზე მეტად აშინებს, რადგან ის უეცრად იწყება და სწრაფად ძლიერდება. ასეთ თავის ტკივილს მნიშვნელოვანია, რომ ყურადღება დროულად მიექცეს და გაიაროთ ექიმთან კონსულტაცია, რადგან მსგავსი ტკივილი შესაძლოა ჯანმრთელობის მნიშვნელოვანი პრობლემების მაჩვენებელი იყოს. მათ შორის სუბარაქნოიდური სისხლდენის, რომელიც შესაძლოა ფატალურად დასრულდეს.

2. ტკივილი ყვრიმალის ძვლის არეში- აღნიშნულ არეში ტკივილი ძირითადად ტრავმის შემდგომ პერიოდში იჩენს თავს, თავზე მიღებული ტრავმა უკვალოდ არ ქრება და დროდადრო სწორედ ამ ტკივილით ახსენებს თავს ადამიანს. შესაძლოა ეს ჰაიმორიტის ბრალიც იყოს.

3. ტკივილი თვალის არეში და მის გარშემო- ზოგიერთი მეცნიერის აზრით, ეს ტკივილი ყველაზე მძაფრი ტკივილია, რაც ადამიანს შეუძლია განიცადოს. ის ძირითადად გადაღლილობის დროს მწვავდება.