"ალაჰმა თურქეთის მმართველი ხროვის დასჯა, მათი გონების არევით გადაწყვიტა"

"ალაჰმა თურქეთის მმართველი ხროვის დასჯა, მათი გონების არევით გადაწყვიტა" - პუტინი

მსოფლიო - 14:17, 03 Dec, 2015

8299

რუსეთის პრეზიდენტის, ვლადიმერ პუტინის განცხადებით, სირიაში რუსი ჯარისკაცების დაღუპვაზე პირდაპირი პასუხისმგებლობა თურქეთის ხელისუფლებას ეკისრება. ამის შესახებ პუტინმა ფედერალურ სხდომაზე განაცხადა.

„თურქი ხალხი კეთილი, ნიჭიერი და ძალიან მეგობრულია. მათ უნდა იცოდნენ, რომ ჩვენ ერთ დონეზე არ ვაყენებთ ხალხსა და თურქ მაღალჩნოსნებს, რომლებიც ჩვენი ჯარისკაცების დაღუპვაზე არიან პასუხისმგებლები“ - განაცხადა პუტინმა.

რუსეთის პრეზიდენტის თქმით, მისთვის გაუგებარია თურქული მხარის მიერ რუსული თვითმფრინავის სუ-24-ის ჩამოგდების მოტივი, თუმცა რუსეთი ამ "სამარცხვინო და მოღალატეობრივ" საქციელს არასოდეს დაივიწყებს.

„მე საერთოდ არ მესმის, რატომ გააკეთეს ეს. ნებისმიერი საკითხის გადაწყვეტა შესაძლებელი იყო სრულიად განსხავებული გზით. ჩვენ მზად ვიყავით თურქეთთან თანამშრომლობისთის ყველაზე მგრძნობიარე საკითხებშიც. მხოლოდ ალაჰმა იცის, ეს რატომ გააკეთეს. როგორც ჩანს, ალაჰმა მმართველი ხროვის დასჯა მათთვის გონების არევით გადაწყვიტა“ - განაცხადა პუტინმა.

„მე კიდევ ერთხელ შეგახსენებთ, რომ ისინი ამას არაერთხელ ინანებენ. ჩვენ ვიცით, როგორ უნდა მოვიქცეთ“ - დასძინა პუტინმა.

შეგახსენებთ, რუსეთ-თურქეთის ურთიერთობა 24 ნოემბრის შემდეგ დაიძაბა. თურქეთმა საჰაერო სივრცის დარღვევისთვის, რუსეთის სამხედრო თვითმფრინავი სუ-24 რამდენიმე გაფრთხილების შემდეგ ჩამოაგდო. ოფიციალური მოსკოვი თურქეთის საზღვრის დარღვევას უარყოფს. პუტინის თქმით, ეს შემთხვევა იყო "ტერორისტების თანამზრახველების მიერ ზურგში განხორციელებული დარტყმაა". მისივე განცხადებით, აღნიშნული ქმედება რუსეთ-თურქეთის ურთიერთობაზე სერიოზულ გავლენას იქონიებს. რუსეთმა თურქეთთან სამხედრო კონტაქტები უკვე გაწყვიტა და უვიზო რეჟიმიც გააუქმა. დღეს გავრცელებული ინფორმაციით კი, რუსეთის მთავრობამ იმ თურქული პროდუქციის ჩამონათვალი დაამტკიცა, რომლის რუსეთში იმპორტიც აიკრძალება. სიაში მოხვედრილი სოფლის მეურნეობის, ნედლეულისა და მრეწველობის პროდუქცია რუსეთში 2016 წლის 1-ელი იანვრიდან ვეღარ შევა.

რაც შეეხება ერდოღანს, მისი თქმით, მსგავსი ქმედების განმეროების შემთხვევაში, თურქეთი ანალოგიურად მოიქცევა.