- ამის შესახებ იუსტიციის მინისტრმა თბილისის პროკურორად მაია მწარიაშვილის წარდგენის დროს განაცხადა.

თეა წულუკიანმა მადლობა გადაუხადა მწარიაშვილის წინამორბედს, დავით კოჭლამაზაშვილს და აღნიშნა, რომ ის იუსტიციის სამინისტროში ერთ-ერთ დეპარტამენტს უხელმძღვანელებს. იუსტიციის მინისტრის განცხადებით, მაია მწარიაშვილზე არჩევანი იმტომ შეაჩერა, რომ ის ქალია:

"მას აქვს ის, რაც არ აქვს ბატონ დავითს, – ის არის ქალი და ეს იყო მთავარი კრიტერიუმი".

"ჩემი მიზანია, რომ პროკურატურაში ქალები დაწინაურდნენ. მინდა, რომ პროკურატურაში მუშაობის დაწყება სტუდენტების ოცნებად იქცეს. პირადად მე შევუწყობ ხელს, რომ პროკურატურა მთელი ქვეყნისთვის სამაგალითო უწყება გახდეს", - განაცხადა წულუკიანმა.

მისი თქმით, აქამდე ჯეროვან ყურადღებას ვერ აქცევდა პროკურატურას, დღეიდან კი ყოველდღე დაეხმარება არჩილ კბილაშვილს, რათა საზოგადოებაში პროკურატურის რეიტინგი, რაც შეიძლება, მალე აღსდგეს.