რუსეთმა, შესაძლოა, “თურქული ნაკადის” სახელით ცნობილი გაზსადენის პროექტი რამდენიმე წლით გაყინოს ან გადადოს - ინფორმაციას სააგენტო "როიტერი", "გაზპრომში" საკუთარ წყაროზე დაყრდნობით ავრცელებს.

რუსეთმა თურქეთს უკვე დაუწესა სავაჭრო სანქციები, თუმცა, ისინი, ჯერჯერობით, თურქეთში რუსული ენერგორესურების ექსპორტს არ შეხებია, რაც ორ ქვეყანას შორის ეკონომიკური ურთიერთობის მთავარი ხაზია.

სამშაბათს რუსეთის ეკონომიკის მინისტრმა განაცხადა, რომ თურქული ნაკადისა და თურქეთში რუსული კომპანიის მიერ განხორციელებულ ატომური ელექტროსადგურის პროექტის შესახებ, ჯერჯერობით, გადაწყვეტილება მიღებული არ არის.

მოსკოვსა და ანკარას შორის ურთიერთობები მას შემდეგ დაიძაბა, რაც გასულ კვირაში, სირიის საზღვართან თურქულმა მხარემ, რუსული ავიაგამანადგურებელი ჩამოაგდო.

წყარო ეკონომეტრი