რუსეთის ფედერაციის პრეზიდენტმა ხელი მოაწერა ცვლილებებს კანონში "სინდისის თავისუფლებისა და რელიგიური გაერთიანებების შესახებ", რომლის თანახმადაც ქვეყნის იუსტიციის სამინისტროსა და მის ტერიტორიულ ქვედანაყოფებს ეძლევათ უფლება ყოველგვარი გაფრთხილების გარეშე შეამოწმონ რელიგიური ორგანიზაციები და გაერთიანებები, თუ გაჩნდა ეჭვი მათ ქმედებებში ექსტრემისტული მისწრაფებების შესახებ. აღსანიშნავია, რომ ამგვარი ინფორმაციის მიწოდება, ყოველგვარი გადამოწმების გარეშე, ნებისმიერ ადამიანს შეუძლია.

ამასთან, ის რელიგიური ორგანიზაციები, რომლებიც მატერიალურ დახმარებას საზღვარგარეთიდან იღებენ, ამიერიდან ვალდებულნი იქნებიან სრული ფინანსური ანგარიში და მათი ხელმძღვანელობის შესახებ ინფორმაციები წარუდგინონ იუსტიციის სამინისტროს.