Li-Fi-ს სისტემა wi-fi-ზე 100-ჯერ სწრაფი იქნება

ეს საინტერესოა - 23:17, 27 Nov, 2015

19574

ესტონურმა სტარტაპმა Velmenni-მ ტალინში ახალი უკაბელო სისტემა გამოცადა. საუბარია ახალ მეთოზე, რომელიც არა რადიო ტალღების, არამედ სინათლეს იყენებს.

Li-fi ფართოდ გავრცელებულ wi-fi-ზე თითქმის 100-ჯერ სწრაფია და ინფორმაციის გადაცემა შესაძლებელი ხდება 1 გეგაბაიტ/წამში. Li-fi-ს სამუშაოდ საჭიროა სტანდარტული LED ნათურა, ინტერნეტთან წვდომა და ფოტო დეტექტორი.

ცდის პროცესში Li-fi-ს გამოყენებით ინფორმაციის 1 გბ/წმ-ში გადაცემა შეძლეს, ხოლო ლაბორატორიული კვლევები აჩვენებს, რომ თეორიულად ინფორმაციის გადაცემა შესაძლებელია 224 გბ/წმ-ი სისწრაფით.

კომპანიის აღმასრულებელი დირექტორი დიპაკ სოლანკი International Business Times-სთან ამბობს, რომ გადაცემის უახლესი მეთოდი სამომხმარებლო ბაზარზე სამიდან ოთხ წელიწადში გამოჩნდება.

ტერმინი li-fi პირველად ედინბურგის უნივერსიტეტის პროფესორმა ჰარალდ ჰასმა ჯერ კიდევ 2011 წელს გამოიყენა, პროფესორი მაშინ TED-ის კონფერენციაზე გამოდიოდა, სადც მან აუდიტორიას ანახა, თუ როგორ გადასცემდა ნათურით ინფორმაციას (ვიდეოს) კომპიუტერში.

როგორ მაშინ პროფესორმა აღნიშნა, მომავალში მილიარდობით ნათურა შეიძლება უსადენო ინტერნეტის წყარო გახდეს. რადიო ტალღებისგან განსხვავებით ამ სისტემას შეფერხებები არ ახასიათებს, შესაბამისად, მისი გამოყენება შესაძლებელი იქნება თვითმფრინავებშიც, სადაც შეფერხებებმა შესაძლოა მნიშნველოვანი პრობლემები შექმნას.

თუმცა, სისტემას მინუსებიც აქვს. მაგალითად, შეუძლებელია მისი გამოყენება გარეთ, მზიან ამინდში, რადგან მზის სინათლე გადაფარავს ნათურიდან წამოსულ სინათლეს.