ბრუს ლი დღეს 75 წლის გახდებოდა

ეს საინტერესოა - 17:33, 27 Nov, 2015

2506

დღეს ლეგენდარული ბრუს ლი 75 წლის გახდებოდა. ჩინელი კუნგ ფუს ოსტატი, ფილოსოფოსი, მსახიობი, რეჟისორი, პროდიუსერი, სცენარისტი, საბრძოლო ხელოვნების ერთ-ერთი მიმდინარეობის ჯიტ კუნ დოს დამაარსებელი. XX საუკუნის ყველაზე გავლენიანი და სახელოვანი საბრძოლო ხელოვნების ოსტატი. რომელიც 36 ფილმშია გადაღებული 1940 წლის 27 ნოემბერს სან ფრანცისკოში დაიბადა.

ჰონ კონგში ხოლო შემდგომ უკვე ჰოლივუდში მისი მონაწილეობით გადაღებულმა ფილმებმა 70-იან წლების ამერიკაში დიდი ინტერესი გამოიწვია და ჩინური საბრძოლო ხელოვნება პოპულარული გახადა. ბრიუს ლის მონაწილეობა აქვს მიღებული ისეთ ცნობილ ფილმებში როგორებიცაა ლო ვეის „დიდი ბოსი“ (1971) და „მრისხანების მუშტი“ (1972), „დრაკონის გზა“ (1972) რეჟისორი და სცენარის ავტორი ბრიუს ლი, უორნერ ბრაზერსის „დრაკონის გამოსვლა“ (1973), „სასიკვდილო თამაში“ (1978) რეჟისორი რობერტ კლოუზი.

თაობების კერპი ბრუს ლი 1973 წლის 20 ივლისს საეჭვო ვითარებაში გარდაიცვალა. გავრცელებული ინფორმაციით ის ახალი ფილმის სცენარზე სასაუბროდ ერთ-ერთი მსახიობის სახლში იმყოფებოდა, როცა თავი ასტკივდა და ტკივილგამაყუჩებელი დალია, წამლის მოქმედების შედეგად ჩაეძინა. მისი გაღვიძება ვერც მეგობრებმა და ვერც ექიმებმა ვერ შეძლეს. საავადმყოფოში გადაყვანისას კი სასწრაფო დახმარების მანქანაში გარდაიცვალა. გარდაცვალების მიზეზებზე გამომძიებელმა სარწმუნო ვერაფერი თქვა, ექიმებმა კი 5 სხვადასხვა ვარიანტი დაასახელეს. გაკვეთამ აჩვენა, რომ მას ცერებრალური ედემა სჭირდა (ალერგიის მიზეზით ტვინი შეშუპდა და თავის ქალას მიაწვა). მაგრამ ედემა რამ გამოიწვია, ეს უცნობი იყო. საბოლოოდ სიკვდილის ოფიციალურ მიზეზად სწორედ ტკივილგამაყუჩებელის მიერ გამოწვეული ალერგია დასახელდა.