"ჩვენ არ დავნებდებით არც შიშს და არც სიძულვილს, ჩვენი ერთიანობით და მრავალფეროვნებით გავიმარჯვებთ"

მსოფლიო - 16:05, 27 Nov, 2015

1092

პარიზში ინვალიდების სასახლის ეზოში 13 ნოემბრის მსხვარპლთა ხსოვნისთვის პატივის მისაგებად ცერემონია გაიმართა, რომელსაც პარიზის 13 ნოემბრის სისხლიან პარასკევს დაღუპულთა დაშავებულთა ახლობლებიც ესწრებოდნენ. დამსწრე საზოგადოებას, რომელთა შორის მსხვერპლთა ოჯახის წევრების გარდა ხელისუფლების წარმომადგენლები, დიპლომატიური კორპუსის წევრები და ტერაქტების ღაქმეს მომუშავე საპატრულო და სასწრაფო დახმარების სამსახურების თანამშრომლები იყვნენ საფრანგეთის პრეზიდენტმა ფრანსუა ოლანდმა მიმართა და საფრანგეთისთვის ამ დღის მნიშვნელობაზე ისაუბრა.

„პარასკევი 13 ნოემბერი, ეს არის დღე რომელსაც ჩვენ არასოდეს დავივიწყებთ, დღეს მთელი ერი ტირის მსხვერპლს, 130 წარმთმეულ სიცოცხლეს. 130 სიცილს, რომელსაც ჩვენ ვეღარასდროს გავიგონებთ. მე მინდა მხოლოდ გითხრათ, რომ საფრანგეთი იქნება თქვენს გვერდით, გპირდებით რომ მკვლელები განადგურდებიან. ტერორისტები ეცადნენ ის თაობა გაენადგურებინათ, რომელთა თავისუფლებაც, ჰარმონიაც, მუსიკაც მათთვის აუტანელი იყო. მიუხედავად ცრემლებისა ეს თაობა გახდა საფრანგეთის სახე. ტერორისტები მათ ვერ გააჩერებენ, ჩვენ გავამრავალფეროვნებთ ჩვენ მუსიკას, ჩვენ კონცერტებს ჩვენ გავაგრძელებთ სტადიონებზე სიარულს. ჩვენ არ დავნებდებით არც შიშს და არც სიძულვილს. ეს სპონტანური შეკრებები, ადამიანები რომლებიც მღერიან მარსელიოზას, ეს პატრიოტიზმი არის სიმბოლო ჩვენი ერთიანობის, ჩვენი გამძლეობის იმ დარტყმების მიმართ რომელიც ჩვენ განვიცადეთ. მტერს ჩვენ არა მარტო იარაღით არამედ ჩვენი დემოკრატიითაც დავამარცხებთ. ჩვენ შეგვიძლია ჩვენი პოლიციის, ჯანდარნერიის , კანონის იმედი გვქონდეს. ჩვენ ამ ბრძოლას ბოლომდე მივიყვანთ და გავიმარჯვებთ საფრანგეთის იდეის ერთგულებით, რაც ცხოვრების ხელოვნებას, ერთად ყოფნის მძაფრ სურვილს, მრავალფეროვნებას გულისხმობს, ჩვენ არ შევიცვლებით, ჩვენ ვიქნებით ერთიანი“- განაცხადა ფრანსუა ოლანდმა.