ქალი ISIS-ის წინააღმდეგ - ამერიკელ პილოტებს ხმა ჩაუწყდათ, როცა ეთერში არაბი-ქალის ხმა გაიგეს

მსოფლიო - 21:13, 26 Nov, 2015

18878

მარიამ ალ მანსური არაბეთის გაერთიანებული ემირატების პირველი ქალი მფრინავ-გამანადგურებელია.

ორშაბათს ღამით არაბეთის გაერთიანებული ემირატების სამხედრო - საჰაერო ძალების მაიორმა, 35 წლის მარიამ ალ მანსურმა პირველი გაფრენა განახორციელა F-16 Desert Falcon

მარიამმა 2007 წელს დაამთავრა საფრენოსნო სკოლა და ერთერთი იყო იმ სამ მანდილოსანს შორის, რომელიც სამხედრო სამსახურში ჩადგა, მას შემდეგ რაც ემირატებმა ჯარში გაწვევა დაიწყო.

მას შემდეგ რაც არაბეთის გაერთიანებული ემირატები შეუერთდა საერთაშორისო კოალიციის სამხედრო ოპერაციებს ISIS-ის წინააღმდეგ სირიაში, მარიმ ალ მანსური წინ გაუძღვა ქვეყნის საჰაერო ძალებს. ,,ისლამური სახელმწიფოს" მებრძოლებისთვის წარმოუდგენელი იყო ის ფაქტი, რომ მათ პოზიციებს ქალი ბომბავდა სირიის ომი გამორჩეულია იმით, რომ მასში უამრავი ქალი სამხედრო მონაწილეობს. ასეთი იყო სპეციალური საბრძოლო რაზმი ,,პიშმერგა", რომელიც სიკვდილისკენ მიმავალ გზას ნიშნავს და სადაც ქალთა ბატალიონებია გაერთიანებული. განსაკუთრებული იყო მარიამ ალ მანსურის და ქალი მებრძოლების როლი ქალაქ კობანთან ბრძოლებში. 2015 წელს დიდი ბრძოლების შემდეგ ამ ქალაქიდან ,,ისლამისტები" საბოლოოდ განდევნეს. აშშ-ში ემრიატების ელჩი მარიამ ალ მანსურის მაღალკვალიფიციურ პილოტს უწოდებს, რომლემაც ამერიკელებიც კი განაცვიფრა.

„იგი მაღალკვალიფიციური, ბრძოლისუნარიანი პილოტია და მან შესანიშნავად შეასრულა ამოცანა. თუმცა, ამერიკელი პილოტები, რომლებიც მარიამის ავიაჯგუფთან ერთად ასრულებდნენ მისიას, 20 წამის განმავლობაში ენაჩავარდნილები იყვნენ, როდესაც რადიოეთერში ქალის ხმა გაიგონეს,“ - განაცხადა აშშ-ში ემირატების ელჩმა იუსეფ აკ ოტაიბამ.