ოლანდი მოსკოვში - იმედი ბოლოს კვდება?

მსოფლიო - 20:45, 26 Nov, 2015

4379

ფრანსუა ოლანდს მოსკოვში ჩასვლა დაგეგმილისგან განსხვავებულ სიტუაციაში მოუწია. რამდენიმე დღის წინ, რუსული სამგზავრო თვითმფრინავის აფეთქებისადა პარიზის ტერაქტების შემდეგ. საფრანგეთი და რუსეთი ფაქტიურად ბარიკადების ერთ მხარეს იმყოფებოდნენ, ზოგი ექსპერტი ISIS-ის წინააღმდეგ ანტიჰიტლერული კოალიციის მსგავსი კავშირების შექმნაზე ალაპარაკდა... მაგრამ Су-24-ის ჩამოგდებამ სიტუაცია შეცვალა. ოლანდის მთავარი ამოცანა შესაძლოა რუსეთ-თურქეთის შერიგება, ვითარების განმუხტვა გახდეს.

ამასთან, ბარაკ ობამამ, რომელსაც ოლანდი პუტინთან შეხვედრამდე ესტუმრა, განაცხადა, რომ არანაირი ახალი კოალიცია არაა საჭირო - უკვე არსებობს მსგავსი კოალიცია, სადაც აშშ-ც და საფრანგეთიც არის გაწევრიანებული.

თურქეთ-რუსეთის საჰაერო ინციდენტმა კიდევ ერთხელ წარმოაჩინა ძირითადი პრობლემური საკითხი - რუსეთი მომბავს არა მარტო ISIS-ს, არამედ ასადის ყველა მოწინააღმდეგეს. ეს ასე რომ არ ყოფილიყო, Су-24-ს არ ჩამოაგდებდნენ. ახლა რუსეთმა ლატაკიას ბაზაზე С-400 განათავსა - საზენიტოი-სარაკეტო კომპლექსი, რომელიც ISIS-ის წინააღმდეგ აბსოლუტურად უსარგებლოა - ტერორისტებს ხომ არ ჰყავთ ავიაცია. ეს ერთადერთი მიზნით გაკეთდა - ჩვენ გავაგრძელებთ იმათ დაბომბვას, ვისაც საჭიროდ ჩავთვლით და ვინც ხელს შეგვიშლის - ჩამოვაგდებთ. მეორეს მხრივ შერიგებაზე საუბარი დაღუპული ადამიანების ფონზე უხერხულად გამოიყურება.

ასე რომ, ახალი კოალიციების შექმნის შესახებ საუბარი დასამარდა... თუ იმედი ბოლოს კვდება?