დაწესდება თუ არა ემბარგო - რუსეთის საზღვრებზე თურქულ პროდუქციას „რისკის ჯგუფში“ განიხილავენ

მსოფლიო - 13:21, 26 Nov, 2015

2091

რუსეთმა შესაძლოა თურქულ საკვებ პროდუქციაზე შეზღუდვები დააწესოს. თუმცა თურქ მომწოდებლებს რუსეთის საბაჟოებზე პრობლემები უკვე შეექმნათ. როგორც რუსი იმპორტიორები აცხადებენ, საბაჟოებზე თურქეთთან მიმართებაში უკვე შემოღებულია „რისკის პროფილი“, რაც ნიშავს იმას, რომ საბაჟო თურქულ პროდუქციის შემოსატან პროდუქციაზე ფაქტიურად დეკლარაციას არ ავსებს. თუ მებაჟე ინსპექტორი მაინც გადაწყვეტს შემოტანაზე თანხმობა განაცხადოს, მაშინ აუცილებელია მთლიანი პროდუქცია 100%-ით შემოწმდეს და ექსპერტიზისთვის სინჯების აღება მოხდეს. ჩვეულებრივ შემთხვევებში კი მხოლოდ პროდუქციის 5-10 %-ის შემოწმება ხდება.

რუსეთის სოფლის მეურნეობის სამინისტროს განცხადებით, თურქეთიდან შემოტანილი სოფლის მეურნეობის პროდუქციის 15% არ შეესაბამება რუსულ ნორმებს. შესაბამისად უწყების თქმით, შესაძლოა თურქულ პროდუქციაზე შეზღუდვების დაწესება დღესვე მოხდეს. თუმცა სამინისტრო ხაზს უსვამს რომ ეს იქნება შეზღუდვა და არა ემბარგო.

აკრძალვა შესაძლოა დააწესოს „როსსელხოზნადზორმა“, რომელმაც რამდენიმე დღით ადრე უკვე განაცხადა, რომ 1 დეკემბრიდან ერთ-ერთ თურქულ კომპანიას ფრინველის ხორცის შემოტანა აუკრძალა.

თურქეთზე რუსეთში სურსათის იმპორტის 4% მოდის, ამ ქვეყნიდან რუსეთში ძირითადად პამიდორი და ციტრუსი შედის, ბოლო 9 თვის განმავლობაში თურქეთმა რუსეთში 1 მილიარდის ღირებულების საკვები პროდუქციის იმპორტი მოახდინა.