შვეიცარიაში, ქალები, რომლებიც ბურკას (მძიმე ჩადრი, რომლიდანაც მხოლოდ თვალები ჩანას) ატარებენ, შესაძლოა, 6 500 ევროთი დაჯარიმდნენ. ამის შესახებ ბრიტანული გამოცემა Daily mail-ი იტყობინება.

ადგილობრივი მთავრობის ახალი კანონის მიხედვით, ტიჩინიოს ოლქში, მუსლიმ ქალებს მძიმე ჩადრის ტარება მაღაზიებში, რესტორნებსა და სხვა საჯარო დაწესებულებებში აეკრძალებათ.

მინიმალური ჯარიმა 100 ფრანკიდან( 65 ევრო) დაიწყება და 10 000 ფრანკამდე (6. 500 ვერო) შეიძლება მიაღწიოს.

სამხრეთ შვეიცარიის მთავრობამ ბურკას აკრძალვას მხარი რეფერენდუმის შედეგად დაუჭირა.

შვეიცარიის პარლამენტში აცხადებენ, რომ აკრძალვა ფედერალურ კანონებს არ ეწინააღმდეგება, თუმცა ჯერჯერობით უცნობია, როდის შევა კანონი ძალაში.