,,ჩვენ ვდგავართ თურქეთის გვერდით და პატივს ვცემთ ნატო-ს პარტნიორის ტერიტორიულ მთლიანობას“

,,ჩვენ ვდგავართ თურქეთის გვერდით და პატივს ვცემთ ნატო-ს პარტნიორის ტერიტორიულ მთლიანობას“ - იენს სტოლტენბერგი

მსოფლიო - 22:19, 24 Nov, 2015

2137

სულ რამდენიმე წუთის წინ დასრულდა ნატო-ს საბჭოს საგანგებო სხდომა. თურქეთის მიერ რუსული სამხედრო თვითმფრინავის ჩამოგდების შესახებ პრესის შეკითხვებს ნატოს გენერალურმა მდივანმა იან სტოლტენბერგმა უპასუხა.

,,ჩვენ მოგვაწოდა ინფორმაცია თურქეთის ელჩმა მიმდინარე პროცესებზე, მე ვესაუბრე ასევე თურქეთის პრეზიდენტს. თურქეთმა მოგვახსენა, რუსეთის ბომბდამშენის მიერ თურქეთის საჰაერო სივრცის დარღვევის შესახებ, მე მაქვს ჩემი მოსაზრება იმ ყველაფერზე, რასაც რუსეთი ახორციელებს ნატოს საზღვრებთან ახლოს. იმედია მომავალში მოხერხდება ამ ინციდენტების თავიდან აცილება, ჩვენ ვდგავართ თურქთის გვერდზე და პატივს ვცემთ ჩვენი, ნატოს პარტნიორის ტერიტორიულ მთლიანობას, ჩვენ გავაგრძლებეს ნატოს სამხრეთ საზღვრების მონიტორინგს, მე ველოდები, რომ შედგება შემდგომი კონტაქტები ანკარასა და მოსკოვს შორის და მოვუწოდებ მხარეებს, სიტუაციის განმუხტვისკენ, ეს აუციელებელია“ - განაცხადა გენერალურმა მდივანმა.

ჟურნალისტის კითხვაზე - რუსები აცხადებენ, რომ თვთმფრიანვი სირიის ტერიტორიაზე ჩამოგადეს და თურქეთის საჰაერო სივრცის დარღვევა არ მომხდარა, სტოლტენბერმა აღნიშნა, რომ პარტნიორების ინფორმაციები ერთმანეთის თანხვედრია.

,,შეფასებები, რომელიც ჩვენ გვაქვს ჩვენი პარტნიორების მხრიდან დღის განმავლობაში მოდის თანხვედრაში იმასთან, რაც მოგვაწოდა თურქეთის მხარემ“.

როგორი იქნება თქვენი პოზიცია თუ სიტუცაია დაიძაბება რუსეთსა და თურქეთს შორის? - თურქი ჟურნალისტის ამ შეკითხვაზე ნატოს გენერალურმა მდივანმა აღნიშნა, რომ ნატო მოუწოდებს ორვე მხარეს შეიმუშაონ ერთობლივი მექანიზმი შემდგომი ინციდენტების თავიდან ასაცილებლად.

,,მე მკვეთრად განვმარტე ის თუ რას ველოდებით ჩვენ. ჩვენ ველოდებით სიტუაციის განმუხტვას, და მოვუწოდებთ ორივე მხარეს, ჩვენ მტკიცე ვართ ამ გადაწყვეტილებაში. ჩვენ მივესალმებით შემდგომ კონტაქტებს მოსკოვსა და ანკარას შორის ამ ინციდენტის გარშემო. შეიმუშაონ ერთობლივი მექანიზმები, რომელიც მსგავსი სიტუაიციების თავიდან აცილებას ხელს შეუწყობს. ალიანსის შიგნით ჩვენ ვმსჯელობთ უკეთესი ვარიანტის შემუშავებისთვის რომ შემცირდეს რისკი და შევეცადთ, რომ სიტუაცია კონტროლიდან არ გავიდეს“ - განაცხადა სტოლტენბერგმა.

რაც შეეხება იმას, შედგა თუ არა მომხდართან დაკავშირებით ნატო-სა და რუსეთის მხარეს შორის კონტაქტი, სტოლტენბერგმა ხაზი გაუსვა, რომ კონტაქტი შედგა ანკარასა და მოსკოვს შორის - ,,ნატო-სა და რუსეთს შორის კონტაქტი არ ყოფილა. თურქეთი ჩვენი პარტნიორია და ისინი პირდაპირ კონტაქტზე არიან რუსეთთან“ - დასძინა ნატო-ს გენრალურმა მდივანმა.