დუმაში რუსეთ-თურქეთს შორის ავიამიმოსვლის შეწყვეტასა და ტურისტების ევაკუაციას ითხოვენ

მსოფლიო - 17:33, 24 Nov, 2015

2133

თურქეთ-სირიის საზღვართან რუსული თვითმფრინავის ჩამოგდების შემდეგ, დუმაში რუსეთსა და თურქეთს შორის ავიამიმოსვლის შეწყვეტას ითხოვენ. ამის შესახებ განცხადება რუსეთის დუმის ვიცე-სპიკერმა, ნიკოლაი ლევიჩევიჩმა გააკეთა.

მისი განცხადებით, აუცილებელია თურქეთთან ავიამიმოსვლის შეწყვეტა, უნდა გაუქმდეს თურქეთთან უვიზო რეჟიმი და თურქეთიდან რუსი ტურისტების ევაკუაცია განხორციელდებს. მისივე თქმით, უნდა გაიყინოს ერთობლივი ეკონომიკური პროექტები თუკი, თურქეთი ოფიციალურად არ მოიხდის ბოდიშს

„გთხოვთ, განიხილოთ სრული და დაუყოვნებელი შეწყვეტა რუსეთ-თურქეთს შორის საჰაერო მიმოსვლასთან დაკავშირებით“ - ნათქვამია დეპუტატის განცხადებაში.

მისივე თქმით, პირველად "ცივი ომის" დასრულების შემდეგ, ნატოს წევრმა სახელმწიფომ გამიზნულად ჩამოაგდო რუსეთის სამხედრო თვითმფრინავი, რაც სხვა არაფერია თუ არა აგრესიულ აქტი.

შეგახსენებთ, რუსული სამხედრო თვითმფრინავი სუ-24 თურქმა სამხედროებმა თურქეთ-სირიის საზღვართან დღეს ჩამოაგდეს.

ოფიციალური ანკარის ინფორმაციით, თვითმფრინავმა თურქეთის საჰაერო სივრცე დარღვია. ჩამოგდებამდე, ხუთი წუთის განმავლობაში კი, თურქული საჰაერო სივრცის დარღვევის შესახებ სუ-24 10-ჯერ გააფრთხილეს.

რუსეთის თავდაცვის სამინისტრო სუ-24-ის კატასტროფის ფაქტს ადასტურებს, თუმცა აცხდებს, რომ სამხედრო თვითმფრინავი სირიის ტერიტორიაზე იმყოფებოდა. მედიაში გავრცელებული ცნობით, პილოტებმა კატაპულტირება მოახერხეს. ერთ-ერთი პილოტი ადგილობრივებმა ჩაიგდეს ხელში, ერთი კი გარდაიცვალა. პილოტების მდგომარეობის შესახებ ინფორმაცია ოფიციალურად არ დასტურდება.

აღნიშნულ ფაქტთან დაკავშირებით, თურქეთის მოთხოვნით დღეს, ნატოს საგანგებო სხდომა ჩაინიშნა.

ოფიციალურმა ანკარამ კი ჩამოგდებული რუსული სამხედრო თვითმფრინავის მიერ, თურქეთის საჰაერო სივრცის დარღვევის მტკიცებულება , რადარებით დაფიქსირებული ფოტო-მასალა გამოაქვეყნა.