აშშ-ის სახელმწიფო დეპარტამენტი ამერიკის მოქალაქეებს მსოფლიოს მასშტაბით მოგზაურობისას მზარდი ტერორისტული საფრთხეების შესახებ აფრთხილებს. დეპარტამენტის თქმით, ISIL, ალ-ქაიდა, ბოკო ჰარამი და სხვა ტერორისტული ჯგუფები, ტერაქტებს მსოფლიოს სხვადასხვა რეგიონში გეგმავენ.

აშშ-ის სახელმწიფო დეპარტამენტის ოფიციალურ გვერდზე გამოქვეყნებულ განცხადებაში ნათქვამია, რომ გაფრთხილება 2016 წლის 24 თებერვლამდე იქნება ძალაში.

დეპრტამენტი მოქალაქეებს ურჩევს, რომ განსაკუთრებული სიფრთხილე გამოიჩინონ იმ ქვეყნებში მოგზაურობის დროს, რომელებიც ბოლო 1 წლის განმავლობაში ტერორისტების სამიზნედ იქცნენ.

მათ ჩამონათვალშია რუსეთი, ეგვიპტე, თურქეთი, საფრანგეთი და მალი.

გაფრთხილება შეეხება, საზოგადოებრივ თავშეყრის ადგილებს, დიდ სპორტულ ღონისძიებებს, თეატრებს, ღია ბაზრებს, საავიაციო სერვისებსა და ტრანსპორტს. სახელმწიფო დეპარტამენტის ცნობით, მოქალაქეებმა განსკუთრებული სიფრთხილე უნდა გამოიჩინონ საკურორტო სეზონის დროს სადღესასწაულო ფესტივალებსა და ღონისძიებებში მონაწილეობის მიღებისას.

დეპარტამენტი მოქალაქეებს გამკაცრებულ უსაფრთხოების ზომების დამორჩილებისა და სდიგფლობრივი საინფორმაციო წყაროების კონტროლისკენაც მოუწოდებს. ამერიკის მთავრობა მოქალაქეებს, როგორც წესი კონკრეტულ ქვეყნებში გამგზავრებასთან დაკავშირებით აფრთხილებს ხოლმე. მსოფლიო მასშტაბით მსგავსი გაფრთხილების გამოცემა იშვიათია. ბოლოს მსგავსი გაფრთხილება აშშ-ის სახელმწიფო დეპარტამენტმა 2014 წლის დეკემბერში გამოაქვეყნა, როდესაც ავსტრალიის ქალაქ სიდნეიში თავდასხმების სერია განხორციელდა.