სალაჰ აბდესლამს ISIS-ის შურისძიების ეშინია?- რაზე ელაპარაკა ტერორისტი მეგობარს სკაიპით

მსოფლიო - 17:24, 23 Nov, 2015

6718

სად იმალება სალაჰ აბდესლამი? რა იყო მისი რეალური ფუნქცია პარიზის ტერაქტებისას? მასთან დაკავშირებით სამართალდამცავებმა მხოლოდ რამდენიმე ფაქტის დაზუსტება შეძლეს. ის ბრიუსელში დაბადებული ფრანგია, ბელგიის მაცხოვრებელი. მან იქირავა მანქანა ბატაკლანში შეჭრილი ტერორისტებისთვის, მისი საბანკო კარტა გამოყენებული იქნა სასტუმროში ნომრების დაქირავებისთვის, სადაც ტეროსიტებმა პარიზის ტერაქტამდე ღამე გაათიეს. დანარჩენი გამოცანად რჩება.

ვრცელდებ აინფორმაცია, რომ გასულ სამშაბათს სალაჰ აბდესლამმა თავის მეგობარს სკაიპით დაურეკა და სირიაში დასაბრუნებლად დახმარება სთხოვა. ამასთანავე აბდესლამმა მეგობარს ოჯახისა და ძმისთვის ბოდიშის მოხდა სთხოვა. აბდესლამის თქმით მას ეშინია ისლამური სახელმწიფოს ევროპელი წარმომადგენლების, რადგან მას ადანაშაულებენ იმის გამო, რომ სხვების მსგავსად თავი არ აიფეთქა. სამართალდამცავებმა აბდესლამის მეგობარი, რომლის ვინაობაც ანონიმურად რჩება უკვე დაკითხეს.

ფრანგული მედიის ინფორმაციით მეგობრის მიერ მიცემულ ჩვენებაში რამდენიმე შეუსაბამობაა. თუ აბდესლამს ISIS შურისძიების ეშინია, რატომ ცდილობს კვლავ სირიაში დაბრუნებას.

ამასთანავე არსებობს კითხვები იმის შესახებაც, აბდესლამი თავად იღებდა ტერაქტში მონაწილეობას, გამბედაობა არ ეყო და თავის აფეთქება ბოლო წუთს გადაიფიქრა თუ მხოლოდ ლოჯისტიკური საკითხების მოგვარებით იყო დაკავებული. ასეა თუ ისე, ის ერთადერთი ცოცხლად დარჩენილი ტერორისტია, რომლის გარშემოც ყულფი ნელნელა ვიწროვდება.