ამერიკაში, გადაშენების პირას მყოფი, ერთ-ერთი უკანასკნელი ჩრდილოეთის თეთრი მდედრი მარტორქა, 41 წლის - ნოლა დააძინეს. 13 ნოემბერს ნოლას ბარძაყის ოპერაცია გაუკეთეს, რის შემდეგაც მისი ჯანმრთელობის მდგომარეობა გაუარესდა. ბოლო 24 საათის განმავლობაში მისი მდგომარეობა კრიტიკული გახდა, რის გამოც მისი დაძინების გადაწყვეტილება მიიღეს.

ნოლა 1989 წლიდან სან დიეგოს ზოოპარკში ცხოვრობდა. ის სან-დიეგოს ზოოპარკის ისტორიაში ერთ-ერთი ყველაზე ცნობილი და საყვარელი ბინადარი იყო. მისი დაღუპვის შემდეგ დედამიწაზე მხოლოდ 3 ჩრდილოეთის თეთრი მარტორქა დარჩა. ისინი კენიის დაცულ ტერიტორიებში, განსაკუთრებული ზედამხედველობის ქვეშ იმყოფებიან.

ჩრდილოეთის თეთრი მარტორქების რაოდენობის შემცირებაში ბრაკონიერებს ადანაშაულებენ, რომლებიც მარტორქებს ძვირფასი რქის მოსაპოვებლად ხოცავენ.