რატომ არის ჯანმრთელობისთვის საშიში შაბათ-კვირას დიდხანს ძილი

ეს საინტერესოა - 21:23, 23 Nov, 2015

4936

სამუშაო დღეებში ადრე გაღვიძება, შაბათ-კვირას კი პირიქით, დიდხანს ძილი დიაბეტის განვითარების, სიმსუქნის, ინფარქტისა და გულ-სისხლძარღვთა დაავადებების რისკს ზრდის.

ამის შესახებ ექიმების დასკვნა Journal of Clinical Endocrinology & Metabolism-ში გამოქვეყნდა.

„ჩვენი კვლევის შედეგად შევძელით გვეჩვენებინა, რომ სრულიად ჯანმრთელ ადამიანებს, რომლებსაც თითქმის ნორმალური ყოველდღიური ცხოვრების რიტმი აქვთ, ძილის რეჟიმის დარღვევის გამო, სერიოზული მეტაბოლური დარღვევი აქვთ. ამ პრობლემას შეუძლია გამოიწვიოს სიმსუქნე, დიაბეტი და გულის დაავადება“ - განაცხადა პიტსბურგის უნივერსიტეტის პროფესორმა პატრიცია უონგმა.

უონგი და მისი კოლეგები დაახლოებოთ 5 ათას ადამიანს რამდენიმე კვირა, 24 საათის განმავლობაში სპეციალური სამაჯურების მეშვეობით აკვირდებოდნენ. ფოკუს-ჯგუფებს 30-55 წლის მამაკაცები და ქალები შეადგენდნენ.

სამაჯურების მიერ მიღებული მონაცემებით დადგინდა, რომ ამერიკელების 85%-ი შაბათ-კვირას გაცილებით გვიან იძინებენ და გვიან იღვიძებენ, ვიდრე სამუშაო დღეებში. სხვა სიტყვებით, ისინი სამუშაო დღეებში ძილისთვის დაკლებულ დროს ინაზღაურებენ.

იმ ადამიანებს, რომლებშიც ეს ტენდენცია გაცილებით მკვეთრად შეინიშნებოდა, ჯანმრთელობასთან დაკავშირებული მეტი პრობლემა ჰქონდათ - მათ სისხლში მომატებეული იყო ჰოლესტერინის დონე, ცუდად რეაგირებდნენ ინსულინზე და გამოირჩეოდნენ დიდი წონით. ეს ყველაფერი კი იმაზე მეტყველებს, რომ ისინი უფრო მიდრეკილნი არიან დიაბეტისა და გულ-სისხლძარღვთან დაკავშირებულ ავადმყოფობებისკენ.

"ეს ყველაფერი ყურადსაღები და მნიშვნელოვანია, რასაც ყურადღება უნდა მიაქციონ არა თავად დასაქმებულებმა, არამედ დამსაქმებლებმაც" - აცხადებს უონგი.