ბოლნისის მუნიციპალიტეტის სოფელ ტანძიაში ჯილეხით სამი ადამიანი დაავადდა

საზოგადოება - 11:12, 18 Mar, 2013

563

კანონდარღვევით დაკლა. მან დაავადებული ხორცის გარკვეული ნაწილი სანათესაოში დაარიგა, ნაწილი, სავარაუდოდ, გაყიდა. აღნიშნულ შემთხვევას სპეციალისტები იკვლევენ.

სურსათის ეროვნული სააგენტო სოფელ ტანძიაში და მიმდებარე ტერიტორიაზე ჯილეხის ამთვისებელი 500-მდე სული შინაური ცხოველის იძულებით ვაქცინაციას ახორციელებს. ვეტერინარულ-სანიტარული წესების შესაბამისად, საქონლის დაკვლის ადგილის დეზინფექცია მოხდა, დაავადებული საქონლის ნარჩნები ვეტერინარული წესების დაცვით განადგურდება. ადგილობრივი თვთმმართველობის ორგანოებთან ერთად, მოეწყობა სპეციალური სამარხი - სარკოფაგი, რომელიც იზოლირდება, რათა კერის გააქტიურება არ მოხდეს. გარდა ამისა, დაწესდება 15-დღიანი კარანტინი, რის საფუძველზეც ცოცხალი ცხოველების გადაადგილება და ცხოველური წარმოშობის პროდუქტებით ვაჭრობა აიკრძალება. აცრილ ცხოველებზე მკაცრი ვეტერინარული ზედამხედველობა დაწესდება.

ცნობისთვის, ჯილეხი მწვავედ მიმდინარე, ადამიანისა და ცხოველის საერთო ინფექციური დაავადებაა. ჯილეხის სპორა ნიადაგში წლების განმავლობაში ძლებს და შესაბამის პირობებში აქტიურდება. ამიტომაც, ვეტერინარულ-სანიტარული წესების მიხედვით, დაუშვებელია დაავადებული საქონლის დაკვლა და რეალიზება. ასევე, დაუშვებელია საქონლის დაკვლა ვეტერინარის ზედამხედველობის გარეშე, სასაკლაოს გვერდის ავლით.