საფრანგეთის პრემიერ-მინისტრის, მანუელ ვალსის განცხადებით, საფრანგეთი შესაძლოა ტერორისტების მიერ ქიმიური და ბიოლოგიური იარაღით თავდასხმის მსხვერპლი გახდეს.

ამის შესახებ ვალსმა პარლამენტის ქვედა პალატის სხდომაზე სიტყვით გამოსვლისას განაცხადა, სადაც დღეს, საფრანგეთში საგანგებო მდგომარეობის შესახებ რეჟიმის სამი თვით გახანგრძლივების შესახებ კენჭისყრა გაიმართება. მისი თქმით, მან, ვინც საფრანგეთზე ტერაქტებით იმუქრება, სავსებით შესაძლებელია ქიმიურ და ბიოლოგიურ იარაღებს მიმართოს.

"ტერორისტების ფატაზიას საზღვარი არ გააჩნია, ამიტომ ყველა შესაძლო სცენარისთვის მზად უნდა ვიყოთ“ - განაცხადა ვალსმა.