რადიკალური ექსტრემისტული დაჯგუფება "ისლამური სახელმწიფო" ნიუ-იორკზე თავდასხმებით იმუქრება. ჯიჰადისტებმა ახალი ვიდეორგოლი გაავრცელეს, რომლის თანახმად, მათი სამიზნე "თაიმს სქუეარი" და "ჰერალდ სქუეარი" გახდება.
ვიდეოს აშშ-ის ოფიციალური პირებისგან გამოხმაურება უკვე მოჰყვა.

ნიუ-იორკის მერმა ბილ დე ბლასიომ განცხადება "თაიმ სქუეარიდან" გააკეთა და განაცხადა, რომ ტერორისტების მიზანი დემოკრატიული საზოგადოების დაშინებაა, რასაც აშშ არ დაუშვებს. მისი თქმით, ნიუ-იორკს კონკრეტული საფრთხეები არ ემუქრება.

აშშ-ის გამოძიებათა ფედერალური ბიუროს განცხადებით კი, უწყება ნიუ-იორკის პოლიციასთან და სხვა სამართალდამცავ ორგანოებთან კოორდინირებულად მოქმედებს და საფრთხეების შესახებ ყველა ინფორმაციას ამოწმებს.